Пред зимата 2020 година се плашевме од појавата на грип заедно со новиот коронавирус за кој сè уште немаше вакцина. Се предвидуваше дека доколку човек се зарази со двата вируса истовремено, исходот веројатно би бил фатален. Тогаш изостана оваа појава, но оваа година се појави. Зошто флуроната (од англиски, flu + rona, од корона) се појави сега, а не минатата зима и дали може да биде фатална, како е воопшто можно да се заразиме со два респираторни вируса?
Kоинфекцијата со двата вируса е можна, но нема да биде честа бидејќи веројатноста личноста да дојде во контакт со двата вируса во исто време или во краток временски период е релативно мала. Меѓутоа, ако се појави, може да резултира со потешка болест
Минатата година бевме заштитени со мерки
„Вирусите на грип, како и вирусите SARS-CoV-2 можат да го попречат лачењето и дејството на интерферонот тип I, најраниот имунолошки антивирусен механизам, протеини произведени од нашите клетки по контакт со вирусот за да ги подготват здравите неинфицирани клетки да создадат отпорност на можна инфекција. Со блокирање на нивното делување, вирусот добива предност и веднаш на почетокот на инфекцијата во поголема мера го колонизира епителот. И вирусите на грип и вирусите SARS-CoV-2 имаат механизми за блокирање на дејството на интерферонот тип I, што е една од причините за развој на тешките респираторни заболувања што тие ги предизвикуваат, но и можни коинфекции со овие два вируса. Според тоа, коинфекцијата со двата вируса е можна, но нема да биде честа бидејќи веројатноста личноста да дојде во контакт со двата вируса во исто време или во краток временски период е релативно мала. Меѓутоа, ако се појави, може да резултира со потешка болест, што можеме да го очекуваме во случај на наизменично заразување со овие вируси. Инфекцијата со еден од нив може значително да го ослабне организмот, па последователната инфекција со друг вирус може да доведе до уште потешка болест“, вели хрватскиот имунолог Златко Тробоњача од Медицинскиот факултет во Риека.
Флурона е потенцијално поопасна
Како една од причините зошто минатата сезона изостана епидемија, па дури и поединечни случаи на грип, пулмологот д-р Саша Срича ги наведува построгите мерки до кои се придржувавме.
„Очигледно оваа година ќе има случаи на паралелни вируси, но се надеваме и веруваме дека тоа нема да биде во епидемиски размери“, вели д-р Срича. Тој додава дека флурона е сигурно потенцијално поопасна особено кај невакцинирани, постари и имунокомпромитирани пациенти, а поготово доколку делува синергетски и ако секој од својата страна удира на имунолошкиот систем со респираторни и други компликации.
„Во секој случај, ќе го следиме развојот на ситуацијата и понатаму ќе ги повикуваме нашите сограѓани да се вакцинираат во интервал од една недела како би го намалиле ризикот од двете инфекции“, вели тој. (Вечерњи лист)
