Сезоната на празници е време за подготовка и споделување на вкусна храна, размена на подароци и уживање во традициите кои се негуваат со години. Но, за многу семејства „најсреќниот период од годината“ значи и стрес со кој не можат да се справат.
Распоредот за крајот на годината честопати е преполн со социјални настани кои поставуваат екстремни барања за нашето време. Може да бидеме под притисок да се расфрламе со подароци и патувања, дури и ако нашите буџети се скромни или да учествуваме во активности во заедницата кои бараат премногу од нашата лична и семејна енергија.
Овие предизвици може да бидат тешки за справување, дури и ако вие и вашите деца сте во добро здравје. Еве неколку предлози за навигација на празничниот стрес кои можат да му помогнат на вашето семејство да се чувствува побалансирано (а можеби и малку порадосно исто така).
- Одржувајте го вашиот календар под контрола (а вашите објаснувања едноставни)
Притисокот да славите со сите, од фудбалскиот тим на вашето дете до колегите од работа може да направи празниците да бидат избрзани и хаотични. Изберете ги оние настани со кои разумно можете да се справите и отфрлете ги останатите без чувство на вина. Ако ве притискаат, едноставно кажете: „Тоа звучи одлично, но веќе имаме нешто друго испланирано“. Имајте на ум дека посетите на долги релации и други патувања може да се презакажат, што ќе му даде на семејството нешто за кое ќе се радува во новата година.
Имајте на ум дека финансискиот стрес никогаш не е здрав за вашето семејство. Поставете позитивен пример за вашите деца со тоа што ќе поставите буџет за празниците и ќе се држите до него
- Дајте приоритет на здравјето на семејството
Придржувањето до семејните рутини може да ви помогне да негувате чувство на мир среде празничниот хаос. Најдете време за вежбање, здрави оброци и многу сон (вклучувајќи дремки, особено за малите).
Обрнете внимание на тоа колку време вие и вашите деца поминувате пред екраните. Заменете ја дигиталната забава со едноставни задоволства, како заедничко пиење топло какао или прошетка на свеж воздух. Исто така, одлично време е да пробате нови начини за опуштање, како медитација. Пред сè, дајте му на вашето семејство простор за грижа за себе, време да забави со темпото.
- Внимавајте на знаците кои укажуваат дека на децата им е потребна дополнителна поддршка
Празникот може да ги засили промените на расположението на детето. Малите деца може да доживеат тантруми бидејќи пропуштените попладневни дремки и слатките ужинки ги туркаат кон прекумерна стимулација. Постарите деца може да се чувствуваат вознемирени да се вклопат и да се чувствуваат прифатени додека каналите на социјалните мрежи експлодираат со слики од празнични забави и давање подароци.
Проблемите со спиењето, големите промени во навиките за јадење или лошото расположение кое трае повеќе од две недели се легитимни грижи со кои може да ви помогне вашиот педијатар. Закажете време за разговор сега, наместо да чекате после празниците, особено ако гледате знаци на анксиозност, депресија или самоповредување
Кажете му на вашето дете дека разбирате и дека сте тука ако и кога има потреба да разговара. Еве предлози – разговарајте со вашиот тинејџер за притисокот да експериментира со дрога, алкохол или секс, што може да се интензивира во текот на зимскиот распуст. Кажете им на вашите деца дека сте отворени за разговори за тешки теми, без разлика на се.
Ако вашето семејство неодамна изгубило некој близок, имајте на ум дека празниците можат да ја предизвикаат или да ја продлабочат тагата. Дајте си дозвола да го преработите сценариото за празниците. Кои пријатни активности сакате да ги задржите, а кои би сакале да ги прескокнете овој пат? Правењето на овие избори заедно може да формира основа за здрава меѓусебна поддршка.
- Нагласете ја едноставната, позитивна страна на давањето
Мислењето дека треба да потрошиме илјадници долари за славење на празниците може да ги стави родителите и семејствата во непријатна ситуација. Родителите може да чувствуваат притисок да позајмуваат пари или да користат кредитни картички за подароци, специјална гардероба, декорации и друго.
Придржувањето до семејните рутини може да ви помогне да негувате чувство на мир среде празничниот хаос. Најдете време за вежбање, здрави оброци и многу сон (вклучувајќи попладневни дремки, особено за малите)
Имајте на ум дека финансискиот стрес никогаш не е здрав за вашето семејство. Поставете позитивен пример за вашите деца со тоа што ќе поставите буџет за празниците и ќе се држите до него. Еден посебен подарок може да биде подеднакво значаен како десетици светкави пакетчиња, особено ако го направите овој дел од размислувањата на вашето семејство за празничната среќа.
Размислете да разговарате со вашите деца за подлабокото значење на празниците. Фокусирајте се на начините за давање што може да донесе посебен вид радост. Не треба да давате големи донации за добротворни организации или да волонтирате стотици часови за да направите разлика.
Тоа може да значи нешто едноставно како помагање на сосед на кој може да му користи дополнителна помош. Или, може да ги поканите децата на некој пријател да си играат за тие да можат да ги завршат празничните обврски. Прашајте ги вашите деца за идеи и најдете начини да ги реализирате заедно.
Вашиот педијатар е тука да ве поддржи
Ако здравјето на вашето дете страда во моментов, одвојте време да истражите што се случува. Проблемите со спиењето, големите промени во навиките за јадење или лошото расположение кое трае повеќе од две недели се легитимни грижи со кои може да ви помогне вашиот педијатар. Закажете време за разговор сега, наместо да чекате после празниците, особено ако гледате знаци на анксиозност, депресија или самоповредување. Вашиот педијатар може да ви помогне да го разберете третманот и поддршката што му треба на вашето дете за да ја поврати рамнотежата.
Запомнете
Не двоумете се да разговарате со вашето дете и неговиот педијатар ако имате какви било грижи за менталното здравје.
(Извор: Американска академија за педијатрија)
