Згрутчувањата на крвта се исклучително ретки, но сериозни несакани ефекти од вакцината на АстраЗенека против Ковид-19, објавија регулаторите.
Придобивките од вакцината на АстраЗенека и понатаму се поголеми од ризиците, се вели во соопштението за печат од Европската агенција за лекови (ЕМА). Сепак, Комитетот за безбедност на Агенцијата истакна дека е е важно да се препознаат знаците на можен тромб.
Некои лесни несакани ефекти, како што се болка на местото на боцкање или други болки во телото, се чести во деновите по вакцинацијата. Но, ако имате сериозни или постојани симптоми околу четири до 20 дена по вакцинирањето, треба да побарате медицинска помош
Згрутчување на крвта се јавува кога крвта се згуснува и формира полуцврста маса. Може да биде корисен одговор да се запре крвавењето во случај на повреда, но овие блокади можат да создадат проблеми доколку го прекинат дотокот на крв во виталното подрачје, пренесува „Business Insider“.
Згрутчувањето на крвта може да предизвика блокада на крвните садови во нозете, стомакот и белите дробови. Повеќето од згрутчување на крвта поврзани со вакцината на АстраЗенека се појавија во крвните садови во мозокот.
Овие тромби, познати како церебрална венска синусна тромбоза (CVST), може да доведат до мозочен удар, но и смртен исход.
Досега, повеќето од пријавените тромби се појавија кај жени на возраст под 60 години во рок од две недели по вакцинирањето.
Бидејќи младите имаат поголема веројатност да го доживеат овој несакан ефект, британските регулатори за вакцини препорачуваат луѓето на возраст под 30 години да не ја земаат вакцината на АстраЗенека доколку веќе не ја примиле првата доза на вакцината.
Згрутчувањето на крвта може да предизвика блокада на крвните садови во нозете, стомакот и белите дробови. Повеќето од згрутчување на крвта поврзани со вакцината на АстраЗенека се појавија во крвните садови во мозокот
Симптоми на згрутчување на крвта
ЕМА соопшти дека пациентите кои примиле вакцина против Ковид-19 на АстраЗенека, треба да побараат медицинска помош доколку имаат отежнато дишење, болка во градите, оток на нозете, постојана болка во стомакот, невролошки симптоми, вклучувајќи силни и постојани главоболки или заматен вид.
Некои лесни несакани ефекти, како што се болка на местото на боцкање или други болки во телото, се чести во деновите по вакцинацијата. Но, ако имате сериозни или постојани симптоми околу четири до 20 дена по вакцинирањето, треба да побарате медицинска помош, според Светската здравствена организација.
Згрутчувањето на крвта обично се третира со антикоагуланти. Компликациите може да се избегнат ако навреме се открие тромбот.
♦♦♦♦♦♦♦♦♦♦
Кај нас вакцината против Ковид-19 на АстраЗенека ќе се аплицира исклучиво на лица постари од 60 години
Согласно препораките на Европската агенција за лекови да секоја држава заземе сопствен став за употреба на вакцината, одлучено е дека вакцината АстраЗенека во нашата земја ќе се аплицира исклучиво на лица постари од 60 години
„Утрово разговаравме и го разгледувавме ставот на бордот на Европската агенција за лекови во врска со безбедноста на вакцината на АстраЗенека, после евалуацијата на сите тие несакани ефекти во форма на тромботични состојби посебно кај млади луѓе, бордот излезе со две препораки, првата е дека тие несакани тромботични ефекти треба да влезат во упатството на самата вакцина и второ дека секоја држава треба за заземе став во однос на тоа како ќе се користи вакцината и согласно тоа после утринските консултации донесовме став да вакцината на АстраЗенека не се дава на лица помлади лица од 60 години во нашата земја“, информираше вчера министерот за здравство доц. д-р Венко Филипче.
За сите граѓани кои ја примиле вакцината на АстраЗенека во Србија, доколку почувствуваат некакви симптоми најдобро е да се јават на контола и преглед кај лекар, а за ревакцинацијата на овие лица дополнително ќе се одлучува врз основа на насоките од националните светски агенции.
„Во однос на претпазливост кај тие што веќе добија една доза на вакцина на АстраЗенека, тоа се луѓето коишто се вакцинираа со оваа вакцина во Србија, нема никакви препораки за било каква претпазливост освен да ако имаат некакви симптоми се јават на контрола и преглед кај лекар, а во однос на ревакцината со оглед на тоа што треба да дојде за период од некои 3 месеци, засега нема некој став, ќе ги пратиме и насоките и од ЕМА и од други национални агенции и во текот на следниот период ќе завземеме став и во однос на ова прашање“, кажа министерот Филипче.
