Најактуелна тема во моментов во светот е вакцинирањето против новиот коронавирус. Научниците секојдневно напредуваат и тестираат можни вакцини. Сепак, кога се во прашање трудниците, не постојатвалидни информации, Засега, ниту една вакцина не е кличинички тестирана на бремени жени. Постои можност, токму од таа причина, вакцинацијата на трудниците да биде одложена.
Зошто бремените жени не се вклучени во тестирањето?
Пред да се одобри било која вакцина, потребно е да се направат различни тетсирања. Во време на пандемијата, тестирањето на вакцините за коронавирус се правени во рекорден рок.
Тестирањата прво се правени на здрави возрасни лица без никакви симптоми на болеста, истакнува Кристин Тарли, специјалист педијатар во детската болница Atrium Health Levine. Засега, истакнува таа, трудниците не се опфатени со тестирањата.
Тоа е всушност норма кога станува збор за клинички тестирања.
“Трудниците се комплексна група и не се вклучуваат во било какви тестирања. Бременоста, сама по себе е изложена на пад на имунитетот. Научниците едноставно се уште не знаат кои се ризиците за фетусот и не сакаат ниту еден живот да доведат во опасност“, истакнува д-р Тарли.
Постои можност трудниците да бидат вклучени во некои идни тетсирања, кога вакцината ќе биде безбедна и целосно јасна. Генерално со тестирањето трудници се чека прво да биде сосема безбедна на здрави лица. Некои научници истакнуваат дека се обидуваат да најдат начин што побрзо бремените жени да се вклучат во овие тестирања.
“Се покажува дека трудниците може да имаат посилни симптоми на инфекција со коронавирус“, вели Лорен Темик, лекар во споменатата детска болница.
