Американскиот центар за контрола и превенција на болести во понеделникот призна дека луѓето понекогаш можат да бидат заразени со коронавирус по пат на пренос преку воздухот, особено во затворени простории со несоодветна вентилација, пишува „Вашингтон пост“.
Ажурирањето на веб-страницата на агенцијата во кое се објаснува како се шири COVID-19, претставува официјално признание на се поголемиот број на докази кои покажуваат дека под одредени услови, луѓето оддалечени и повеќе од два метра можат да се заразат од ситни капки и честички што лебдат во воздухот со минути и часови.
Преносот преку воздух не е примарен начин на ширење на вирусот, но CDC признава дека е можно – особено во слабо проветрени, затворени простори.
Ажурирањето на веб-страницата на CDC доаѓа по критиките минатиот месец откако агенцијата објави информации за пренос на вирусот преку воздухот, а потоа неочекувано ги повлече, велејќи дека се работи за грешка.
