Од почетокот на пандемијата, КОВИД-19 е поврзан со срцеви проблеми, вклучувајќи и намалена способност за пумпање на крв и абнормален срцев ритам.
Сега резултати од нова студија покажале дека инфекцијата со SARS-CoV-2 не само што ги убива клетките на срцевиот мускул, туку и ги уништува единиците на мускулните влакна кои се одговорни за контракција на срцевиот мускул, што на крајот може да доведе до затајување на срцето.
Исто така се покажало дека таа смрт на клетките и губењето на влакната на срцевиот мускул може да се случи дури и во отсуство на воспаление.
Треба да се нагласи дека воспалението може да му наштети на срцето, покрај штетата што ја предизвикува коронавирусот, но самото воспаление не е почетна причина за тегоби со срцето.
Истовремено, треба да се потенцира, велат експертите, дека дури и млади лица кои имале многу благи симптоми на КОВИД-19, може подоцна да развијат проблеми со срцето кои ја ограничуваат нивната способност за физичка активност и вежбање.
