♦♦♦♦♦♦♦
Правилната употреба на заштитна маска може да ве заштити од коронавирус. Но, постојат правила како се користат и како се фрлаат. Доколку не ги почитувате овие правила – исто како да не сте имале заштита.
СЗО препорачува дека здравите луѓе треба да носат маска ако одат на места каде што има многу луѓе и ако имаат близок контакт (помалку од еден метар) со други лица во затворен простор. Исто така, здравите луѓе треба да носат маска ако се грижат за лице за кое постои сомневање дека има коронавирус.
Маска мора задолжително да се носи ако кашлате или кивате.
Маските се ефикасни ако се користат во комбинација со често миење на рацете и користење на средства за дезинфекција на рацете на база на алкохол.
Како правилно се става маската?
- Пред да ја ставите маската, измијте ги рацете со сапун и вода или со средство за дезинфекција на база на алкохол.
- Со маската покријте го носот и устата, така што целосно ќе биде припиена на вашето лице.
- Избегнувајте допирање на маската додека ја носите. Ако го сторите тоа, измијте ги рацете со сапун и вода или со дезинфициент.
- Заменете ја маската кога ќе се навлажни и не ја користете повторно.
Отстранување на маската
- Отстранете ја маската фаќајќи ја за ластикот или лентите со кои била врзана.
- Никако не допирајте ја предната површина на маската, може да биде загадена.
- Фрлете ја маската во затворена канта.
- Измијте ги рацете со сапун и вода или со средство за дезинфекција на база на алкохол.
