Несаканите ефекти од вакцинацијата нема да ги почувствуваат сите, но тоа не значи дека не треба да бидете внимателни по вакцинацијата. Еве што не треба да правите откако ќе се вакцинирате против Ковид-19.
Не се присилувајте на активности
Нормално е после вакцинацијата да се чувствувате уморно и без енергија. Затоа е важно да не се форсирате да правите нешто или да тренирате, едноставно само одморајте се.
Не заборавајте на маската
Иако по вакцинацијата сте позаштитени од оние кои не се вакцинирани, тоа не значи дека не треба да бидете внимателни и дека е безбедно да шетате насекаде без маска. Продолжете да носите маска и да одржувате социјална дистанца.
Бидете особено внимателни во првите денови
На вашето тело му треба време да произведе антитела, затоа треба да бидете особено внимателни неколку дена по вакцинацијата. Имено, лесно е да се опуштиме кога мислиме дека сме веднаш заштитени, но тоа едноставно не е така.
Чувајте го листот за вакцинација
Ако штотуку сте ја примиле првата доза, внимавајте да не го изгубите листот за вакцинација до втората доза, на кој е запишано кога сте ја примиле првата доза и за која вакцина станува збор. Покрај тоа, чувајте го добро листот за вакцинација по втората доза, можеби ќе ви треба за патување и слично, пишува „Пинквила“.
