Линиите или бразди по ноктите можат да бидат јасен знак дека сте прележале коронавирус, тврди професорот Тим Спектор, креатор на апликацијата Zoe Covid Symptom Study.
Важно е да се знае дека не секој што прележал коронавирус добива вакви бразди на ноктите, тоа е само можност
Луѓето кои препознаваат јасна, хоризонтална линија по должината на своите нокти, можеби претходно прележале Ковид-19, вели Спектор, кој ја предводи групата истражувачи од Кралскиот колеџ во Лондон, кои ја развија гореспоменатата апликација за да помогнат во следење на вообичаените и ретки симптоми на коронавирус.
„Дали вашите нокти изгледаат чудно? Ковид-ноктите стануваат се поизразени како што се опоравувате од инфекција и се јавуваат во вид на јасна хоризонтална линија. Можат да се појават и без осип на кожата и делуваат безопасно“, напиша водечкиот британски научник на Твитер, а пренесува „Мирор“.
Тој како илустрација објави фотографија на женски нокти со проѕирни хоризонтални бразди на нив. Ноктите растат отприлика во шестмесечни циклуси, така што секој што секој кој е заразен со Ковид-19 можеби нема да забележи промени во ноктите некое време по болеста. Ваквите линии уште се нарекуваат и „боу-линии“ и се развиваат во периодот кога телото се опоравува од некоја инфекција.
Дали вашите нокти изгледаат чудно? Ковид-ноктите стануваат се поизразени како што се опоравувате од инфекција и се јавуваат во вид на јасна хоризонтална линија. Можат да се појават и без осип на кожата и делуваат безопасно“, напиша водечкиот британски научник на Твитер
Тие исто така можат да се јават и како резултат на други болести, оние кои предизвикуваат висока температура како што се сипаници, заушки и шарлах. Исто така може да се појават и кожни заболувања како егзема.
Важно е да се знае дека не секој што прележал коронавирус добива вакви бразди на ноктите, тоа е само можност.
Од друга страна, овие линии можат да бидат предизвикани и од други работи како што се неухранетост, нарушување на тироидната жлезда, дијабетес или анемија.
