Лажењето кај децата не е толку ретка појава. Децата од сите возрасти често лажат за да добијат нешто што сакаат или за да избегнат казна. Важно е со детето да се разговара, да се разбере зошто го прави тоа и да му се објасни дека секогаш е подобро да ја кажува вистината. Од друга страна, најлошо е на детето да му се каже дека е „лажго“, бидејќи тогаш можеби никогаш повеќе нема искрено да зборува, пренесува WebMD.
Децата лажат од различни причини, а на родителите е да им објаснат зошто тоа не е добро. Прво е важно да се препознае дека станува збор за лага, а потоа со детето смирено да се разговара.
Зошто децата лажат?
Децата најчесто лажат за да добијат нешто што сакаат или за да избегнат казна ако направиле нешто погрешно. Освен тоа, причината за лажење може да биде и тест – сакаат да видат како нивната измислена приказна ќе помине кај родителите или сакаат нивните приказни да звучат поинтересно.
Децата лажат од различни причини, а на родителите е да им објаснат зошто тоа не е добро. Прво е важно да се препознае дека станува збор за лага, а потоа со детето смирено да се разговара
Лажењето е нормална појава кај децата од три до осум години, но може да укажува и на подлабоки проблеми и потреба за посериозен разговор.
Некои деца понекогаш лажат автоматски – без размислување – или дури поради лажни сеќавања, уверени дека ја кажуваат вистината. Понекогаш лажењето се појавува ненадејно: дете што претходно било искрено одеднаш постојано измислува, пишува Sanford Health.
Значи, децата лажат од повеќе причини:
- избегнување казна,
- разубавување на реалноста,
- експериментирање,
- несвесна лага.
Што треба да направат родителите кога децата лажат?
Пред сè, важно е да се препознае дека станува збор за лага и да се процени колку е таа сериозна. Задолжително е да се разговара со детето, но не и строго да се казнува, бидејќи тоа може да предизвика уште полошо однесување и почесто лажење.
Потребно е мирно и трпеливо да му се објасни зошто лажењето не е добро.
Децата од сите возрасти понекогаш лажат. Улогата на родителите е да го препознаат тоа, да пристапат смирено и да објаснат зошто искреноста има долгорочна вредност. Строгата казна може само да ги влоши работите и да доведе до уште повеќе лажење, па затоа се препорачува разбирање и комуникација
Кај помалите деца е корисно да се користат конкретни примери и да се покажат докази кои упатуваат на невистината, со објаснување дека вистината секогаш на крајот излегува на виделина. Подеднакво е важно родителите самите да не лажат, бидејќи децата најмногу учат од нивното однесување.
Ако детето постојано лаже и нема пријатели, можно е да се чувствува осамено, а тогаш е важно да се посоветувате со стручњак.
Заклучок
Децата од сите возрасти понекогаш лажат. Улогата на родителите е да го препознаат тоа, да пристапат смирено и да објаснат зошто искреноста има долгорочна вредност. Строгата казна може само да ги влоши работите и да доведе до уште повеќе лажење, па затоа се препорачува разбирање и комуникација.
