Braxton Hicks контракциите, познати и како т.н. лажни или подготвителни, се повремени контракции на матката кои може да се јават кај трудната жена околу 27.недела од бременоста, а поретко и порано во бременоста.
Ваквите контракции се нередовни, што значи дека не се јавуваат во правилен интервал, траат околу една минута, не се болни и предизвикуваат непријатност кај жената.
Со оглед дека матката е голем мускул, нормално е повремено целосно да се стисне, што трудната жена може да го почувствува како изразено тврд стомак, со правилна кружна форма. Се смета дека овие контракции му помагаат на телото да се подготви за породувањето, но не мора да влијаат на скратување на грлото на матката. Не ги чувствуваат сите бремени жени за време на бременоста, додека некои ги чувствуваат секојдневно во тарење од неколку недели.
На идните мајки, особено трудниците кои очекуваат прво дете, понекогаш им е тешко да ги разликуваат Braxton Hicks контракциите од вистинските трудови болки и почеток на породувањето. Доколку контракциите на матката се неправилни и се јавуваат само неколку пати дневно без зголемување на интензитетот и само предизвикуваат стегање на стомакот без болка во грбот, тогаш вообичаено станува збор за лажни контракции.
Тие може да се намалат со внесување на доволно течности во органзимот, промена на положбата на телото, мирување, редовно мокрење и релаксирано длабоко дишење.
Ако и покрај ова, контракциите ја зголемуваат фреквенцијата и интензитетот и се јавуваат повеќе од четири пат во тек на еден час (дури и ако не се болни), ако исцедокот од вагината стане слузав и водлест, или ако постои и најмал знак на крварење, трудната жена пред 37. недела од бременоста мора да се јави кај својот гинеколог, за да се исклучи опасноста од предвремено породување.
