Педијатрите советуваат што треба да превземете кога кај детето ќе се појави бактерија во носот, како да препознаете дали е нешто сериозно, и дали на детето треба да му се дадат антибиотици.
- Дали жолто-зелениот секрет од носот треба да се третира со антибиотска терапија?
При бистар секрет, не е потребна терапија и тоа е правилен став, но заблуда е дека за оној секрет во жолта боја е потребен антибиотик.
Кога детето нема други тегоби, освен течење на носот, жолто-зелениот секрет не е причина за антибиотска терапија. Има вируси кои влијаат на создавање на овој секрет, но и сапрофитните бактерии (оние што нормално живеат во носот) може да го заматат секретот кој бил бистар, нагласуваат педијатрите.
- Дали бактериите во носот се причина за често и продолжено течење на носот кај децата?
Кај поголемиот број деца, не се. Децата особено, од предучилишна возраст, им тече носот пред се поради вируси, кои сакаат да се вдомат во нивните носиња. Тоа се респираторни вируси, кои ги има речиси 200 типа. Тие многу лесно прелетуваат од едно на друго дете, па речиси две третини од децата во градинките шмркаат. Станува збор за несериозни вируси, кои се всушност причина за обична настинка.
Бактериите не се причина за течење на носот кај повеќето деца, но “имаат право“ да се најдат во носот кој тече. Значи, најчесто се работи за истовремено присуство на вирус (кој е причина за секреција-течење на носот) и бактерија која стигнала однадвор.
- Зошто некои деца и натаму имаат бактерии во носот, иако испиле антибиотик кој според направен антибиограм е “вистинскиот“ лек?
Со оглед дека бактериите се наоѓаат на површинскиот дел на слузницата, до нив антибиотикот (земен орално, преку уста) многу тешко стига. Поради тоа, често се случува да децата кои примиле антибиотик, по неколку недели повторно ја имаат истата бактерија во носот. Всушност, тие само се сокриле, па повторно се активирале (што секако не значи дека повторно треба да се даде антибиотик).
Да се лекуваат со орален антибиотик “површинските“бактерии во носот е исто како однадвор извалкан простор да го избришете со крпа од внатрешната страна.
- Има ли смисол да се става на децата антибиотска маст или антибиотски капки во носот?
Оваа “терапија“ е одамна напуштена. За тоа постојат барем две добри причини:
Прво се покажало дека кај децата локалната примена на антибиотик во носот е неефикасна, резултатите се привремени, а несоодветно е со недели да се става антибиотик во носот.
Од друга страна, оваа локална антибиотска терапија може да биде опасна. Во носот се наоѓаат бројни клетки на имуниот сустем кои можат да предизвикаат алергија на лекови кои се аплицират преку носната слузница. Затоа може да се случи да организмот на детето стане алергичен на носно дадениот антибиотик. Ако истиот антибиотик повторно, но форма на сируп или инјекција, му се даде на детето, може да дојде до многу опасна алергиска реакција.
- Што тогаш да се прави со бактериите во носот?
Како што претходно е наведено, станува збор за бактерии кои не се опасни. Децата кои немаат висока температура, не кашлаат, а имаат бактерии во носот, не треба да се лекуваат со антибиотски сирупи, како ни со инјекции. Станува збор за здрави деца, а не за пациенти. Течењето нос е резултат на вирусна инфекција (поретко алергија), и тука антибиотикот нема што да помогне.
- Кога детето има потреба за антибиотска терапија?
Ако детето има главоболка, зголемена телесна температура, надрзнето кашла, а од носот му тече гноен секрет – ситуацијата е поинаква. Тогаш најверојатно се работи за воспаление на синусите, што изискува посебен третман, често и антибиотици. Но, тоа се ситуации кога е задолжителна консултација со педијатар. Не треба да се даваат антибиотици на своја рака, и тоа е исклучиво надлежност на лекар!
