Воспитувањето и растењето на едно дете не е нималку лесно, а за да може тоа да израсне во нормална и праведна личност, треба уште од мали нозе да се научи на важни работи.
1. Не прави разлика меѓу луѓето
Без разлика на пол, возраст, националност, боја на кожа и финансиска состојба, секој треба да се однесува убаво и да има почит. Треба да се однесуваме со другите како што би сакале тие да се однесуваат со нас.
2. Не плаши се од грешки
Учењето преку сопствените грешки е составен дел од животот и нема ништо лошо во тоа. Никој на светот не е совршен, секој прави грешки, затоа не треба да се доживува трагично, туку да се работи на тоа грешката да не се повтори.
3. Не прави нешто што не го сакаш само за туѓо одобрување
Децата често мислат дека популарноста меѓу нивните врсници е една од најважните работи, па прават се за да ја добијат. Сепак, тие треба да знаат дека работите како искреноста и почитта се многу поважни од тоа и барањето одобрение од другите што често не е важно.
4. Секогаш биди подготве да се браниш
Секако дека е важно да ги почитувате другите, но исто така е важно да ја браните својата позиција и да не дозволите другите да ве искористуваат. Детето не смее да се чувствува несигурно, мора да знае дека неговото мислење се цени.
5. Грижи се за животната средина
Почитувањето на природата е исто толку важно како и почитувањето на другите луѓе. Родителите мора да бидат пример што децата ќе го следат во текот на нивниот живот. Загадувањето на животната средина, кршењето гранки и уништувањето цвеќиња никогаш не смеат да се одобруваат.
6. Знаењето е поважно од оценките
Ова е важна лекција за учениците. Децата треба да знаат дека оценките не се секогаш одраз на знаењето и дека знаењето е многу поважно од оценките.
7. Ако нешто не разбираш, слободно прашај
Поставувањето прашања и љубопитноста треба да се поттикнуваат уште од мали нозе. Секогаш е подобро да прашаме ако нешто не разбираме, отколку да се преправаме дека сè ни е јасно. Така само се ускратува знаењето.
8. Во ред е да се каже „не“
Важно е детето да знае да каже „не“ на врсниците, возрасните, па дури и родителите кога тој одговор е соодветен. Градењето силен карактер и личност е важно бидејќи тогаш ќе биде потешко да се манипулира со детето. Оваа лекција ќе му се најде кога ќе порасне.
