Родителите едвај ги чекаат новите пресвртници на своите деца. Превртување, смеење, лазење, одење и зборување се достигнувања што ниту еден родител нема да ги заборави. Меѓутоа, ако на детето му треба подолго време за да совлада некое достигнување, родителите понекогаш се вознемирени, а тоа е најчесто случај кога станува збор за говорот. Логопедот Моира реши да сподели на ТикТок зошто начинот на кој го поттикнувате вашето дете да зборува може да направи повеќе штета отколку корист.
„Дали сте знаеле дека нашите инстинкти кога разговараме со децата често ја попречуваат нивната способност да научат зборови?“ праша оваа мајка на две деца.
Моира како пример ги зема зборовите „кажи мама“. Таа објаснува дека охрабрувањето на децата да изговорат одредени зборови го зголемува притисокот и може да го попречи напредокот.
Ако вашето дете користи израз како вау-вау за куче, вие одговорете со користење на вистинскиот збор, а не со имитирање на неговиот израз. Кога децата за прв пат правилно ќе го изговорат зборот, немојте само да ги пофалите, туку проширете го разговорот. Ако детето каже „камион“, вие возвратете: „Да, камион! Син камион!“
„Помалку е веројатно дека вашето дете ќе изговори збор кога вие го барате тоа од него. Наместо тоа, децата најдобро учат кога зборовите добиваат контекст и имаат смисла. Кренете ја раката, допрете го лицето и кажете: „Јас сум твојата мајка“. Замолете го партнерот да ви мавне кога ќе влезе во собата и да ви каже: „Здраво, мама“, предлага таа.
Уште еден важен совет од Моира е да не му се обраќате на малото со детски глас. Вели дека тоа му пречи на неговата способност да научи зборови и звуци соодветни на возраста.
„Ако вашето дете користи израз како вау-вау за куче, вие одговорете со користење на вистинскиот збор, а не со имитирање на неговиот израз. Кога децата за прв пат правилно ќе го изговорат зборот, немојте само да ги пофалите, туку проширете го разговорот. Ако детето каже „камион“, вие возвратете: „Да, камион! Син камион!“
Според Моира, тоа е начин да му дадете шанса на детето за работа и учење и да му станете многу поинтересен партнер за разговор.
