Кога жената ќе стане мајка, таа поминува низ една од најдлабоките трансформации – физички, емоционално и психолошки. Мајчинството не е само нова улога, туку и повторно откривање на себеси. Мајчинството ја прави жената поинаква, но не послаба – напротив, таа станува поиздржлива, почувствителна, но и поборбена. Открива нови длабочини на љубов, сила и мудрост кои никогаш не ни знаела дека ги носи во себе. Мајчинството е љубов што нема граници – безусловна, длабока и искрена, љубов која не бара ништо за возврат. Тоа е љубов која не се мери со зборови, туку со бесконечни ноќи без сон, со прегратки што лекуваат, со погледи што даваат сигурност.
Станувањето мајка подразбира цел процес на трансформација. Нема сомнеж дека кога ќе се породите и ќе добиете бебе за кое треба да се грижите, тоа ве менува. Но, иако ја чувствувате оваа огромна промена, веројатно ќе се запрашате што точно се променило кај вас. Одговорот е повеќеслоен и комплициран, велат научниците. Еве што точно се менува кога жената ќе стане мајка.
Психолошки промени
Преминот во родителството не носи само радост и среќа. За разлика од она што го гледаме во филмовите и кината, родителството е огромна одговорност и не секогаш солзите што ви течат по образите се од радост. Понекогаш родителите се исплашени, а понекогаш стануваат премногу заштитнички настроени.
Очекувањата од мајката се секогаш големи. Од неа се очекува да се грижи за детето, за семејството и за себе. Општеството никогаш не престанува да поставува превисоки стандарди за мајките. Сепак, со овие промени се јавува и нова сила. Мајките често се посветени, не само на своето дете, туку и на пошироката заедница, што ги прави уште посилни и пофокусирани
Исто така, се забележува дека мајките за време на бременоста често чувствуваат некаква закана во својата околина, што на некој начин влијае на нивното ментално здравје. Мајките, сепак, развиваат и поголема емоционална интелигенција, што им помага да се справат со новите предизвици и да ги разберат емоциите на своите деца и на другите луѓе околу нив.
Промени во мозокот
Според извештај објавен во списанието „Scientific American“, мајчиниот мозок поминува низ неколку промени. „Практично сите женки цицачи, од стаорци преку мајмуни до луѓе, минуваат низ фундаментални промени во однесувањето за време на бременоста и мајчинството“, се наведува во извештајот. „Драматичните хормонални флуктуации кои се случуваат за време на бременоста, породувањето и доењето можат да го преобликуваат женскиот мозок, зголемувајќи ја големината на невроните во некои региони и предизвикувајќи структурни промени во други“, се додава. На пример, мајките често развиваат подобра способност за препознавање на емоции и интуитивно разбирање на потребите на своето дете.
Мајчинството не е само нова улога, туку и повторно откривање на себеси. Мајчинството ја прави жената поинаква, но не послаба – напротив, таа станува поиздржлива, почувствителна, но и поборбена
Физички промени
Хормоналните флуктуации, носењето на бебето и лактацијата предизвикуваат физички промени кај жената. За време на доењето, вашите коски губат минерали, што ве прави посклони кон слабости и инфекции. Иако работите се враќаат во нормала откако детето ќе престане да цица, ова влијае на начинот на кој работат бубрезите и другите главни органи поради промените во нивото на калциум во телото. Меѓутоа, многу мајки откриваат дека овие промени ги прават посилни, а во многу случаи нивната издржливост и енергичност се зголемуваат.
Општествени промени
Очекувањата од мајката се секогаш големи. Од неа се очекува да се грижи за детето, за семејството и за себе. Општеството никогаш не престанува да поставува превисоки стандарди за мајките. Сепак, со овие промени се јавува и нова сила. Мајките често се посветени, не само на своето дете, туку и на пошироката заедница, што ги прави уште посилни и пофокусирани. Затоа, мајчинството може да доведе до нови начини на гледање на светот и на себе, создавајќи чувство на поврзаност и поддршка од најблиските. Работењето во тим и добивањето на поддршка од партнерот, семејството и пријателите е од суштинско значење за совладување на овие предизвици.
