Ако некогаш сте се посомневале дека вашиот партнер ги сака децата повеќе од вас, веројатно сте во право. Имено, научниците ја разгледувале активноста на мозокот додека доживуваме чувства на наклонетост, при што дошле до заклучок дека децата предизвикуваат најсилна реакција.
Тие користеле магнетна резонанца за да ги идентификуваат областите активирани од шест различни типови на љубов, вклучувајќи ги и емоциите за блиски пријатели, миленичиња, странци и природа.
Сепак, врската помеѓу родителот и детето била најмоќна и сеопфатна, спуштајќи ја романтичната љубов на второ место. Како и најсилниот одговор, оваа врска ги активира и повеќето региони во мозокот.
Истражувачите регрутирале 55 луѓе, на возраст од 28 до 53 години, кои имале најмалку едно дете и кои биле во „љубовна врска“.
На учесниците им било мерено нивото на мозочна активност додека им се читале описите на љубов, вклучувајќи: „Прв пат го гледате вашето новороденче. Чувствувате љубов кон малечкото“. Друг опис гласел: „Твоето дете радосно трча накај тебе на сончева ливада. Заедно се насмевнувате и сончевите зраци трепкаат на неговото лице. Чувствувате љубов кон вашето дете.“
Активноста на мозокот била под влијание не само од тоа колку блиски се чувствувате со предметот на љубов, туку и од тоа дали тој е човек или не.
Истражувачите се надеваат дека наодите во списанието „Cerebral Cortex“ ќе им помогнат на научниците да ги разберат невронските механизми на љубовта за подобрување на грижата за менталното здравје
Истражувачите велат дека љубовта кон странци води до многу помала мозочна активност отколку кон родителската, романтичната или пријателската љубов, која е на трето место. Љубовта кон домашните миленици и природата, исто така, довела до значително помала активност од онаа насочена кон луѓето.
Партили Рине, водечки истражувач од Универзитетот Аалто, Финска, рече: „Кај родителската љубов имаше активирање длабоко во системот за наградување на мозокот во областа на стриатумот додека се замислуваше љубов, а тоа не беше забележано за ниту еден друг вид љубов“.
Истражувачите се надеваат дека наодите во списанието „Cerebral Cortex“ ќе им помогнат на научниците да ги разберат невронските механизми на љубовта за подобрување на грижата за менталното здравје, пишува „Дејли мејл“.
