Покрај тоа, О крвната група била поврзана и со помала смртност. Ризикот од смртен исход или развој на тежок облик на Ковид-19 бил 13% помал кај луѓето со О крвна група
Луѓето кои имаат О крвна група имаат помал ризик да се заразат со вирусот SARS-CoV-2, што ja предизвикува болеста Ковид-19, според новата студија.
Студијата е објавена во „Annals of Internal Medicine“, а во неа учествувале 225.556 испитаници чија просечна возраст изнесувала 54 години. Истражувачите откриле дека луѓето со О крвна група имале 12% помал ризик од инфекција со коронавирус во споредба со луѓето со крвна група А, АБ или Б.
Покрај тоа, О крвната група била поврзана и со помала смртност. Ризикот од смртен исход или развој на тежок облик на Ковид-19 бил 13% помал кај луѓето со О крвна група.
И претходните студии кои ја испитувале поврзаноста помеѓу коронавирусот и крвната група, исто така, дошле до слични заклучоци. На пример, студија објавена во списанието „Nature“ во ноември минатата година исто така открива дека крвната група влијае на тоа дали некое лице ќе развие потешка форма на Ковид-19.
Во тоа истражување учествувале 14.000 луѓе, а студијата открила дека кај луѓето кои немале О крвна група имало „малку зголемена преваленца на инфекција“.
Сепак, ако имате нулта крвна група тоа не значи дека сте имуни на Ковид-19. Голем број фактори влијаат на ризикот од инфекција со коронавирус. И понатаму треба да се придржувате до превентивните мерки кои вклучуваат носење маска, одржување на физичка дистанца, редовно миење на рацете и избегнување на големи собири.
