ПИШУВА:
М-р Ивана Урдаревиќ
логопед, специјален едукатор и рехабилитатор
♦♦♦♦♦♦♦
Тахифемија (Tachyphemia)
Тахифемија или брзоплет говор е говорно нарушување, за кое лицето не е свесно и кое го карактеризира краткотрајно внимание, нарушување на перцепцијата, артикулацијата и формулацијата на говорот како и претерана брзина на говорот. Вниманието и помнењето на брзоплетото дете е особено нестабилно. Тоа не може да се сконцентрира на еден предмет или активност. Посебно слабо му е акустичното внимание, па не може да го следи туѓиот говор, односно јасно да ги забележува гласовите и зборовите.
На лицето со брзоплет говор не му се јасни акустичните претстави и истите не се цврсто формирани во акустичниот Верникеов фонематски слух. Слабото акустично внимание и недоволно развиениот фонематски слух, влијаат ова дете да нема слушна контрола врз говорот. Слабото внимание условува и слабо помнење. Зборовите се слабо запаметени, тешко се репродуцираат нивните претстави, што исто така придонесува за неправилниот изговор.
Вниманието и помнењето на брзоплетото дете е особено нестабилно. Тоа не може да се сконцентрира на еден предмет или активност. Посебно слабо му е акустичното внимание, па не може да го следи туѓиот говор, односно јасно да ги забележува гласовите и зборовите
Тахифемијата ја карактеризираат: претерана брзина (tachilalia), повторување на првите слогови и кратки зборови, продолжување на вокалите на крајот или на почеток на зборовите, подзастанување, инверзија, артикулациско-моторна нефлуентност, кратко и испрекинато дишење, монотон глас, недостаток на внимание, неорганизирани мисловни процеси, нарушување на читањето, нарушување на пишувањето, комбинација со дислалија и пелтечење.
Пациентот не ги забележува карактеристиките на својот говор и не е свесен за својот говорен недостаток се додека не се манифестира во појака мера. Тој е претерано активен. Проговорувањето се јавува со мало задоцнување, ЕЕГ наодот е обично изменет. Лесно може да се утврди наследност, повеќе по машка линија, интелигенцијата им е во граници на нормала, но понекогаш покажуваат и повисоко интелектуално ниво.
На лицето со брзоплет говор не му се јасни акустичните претстави и истите не се цврсто формирани во акустичниот Верникеов фонематски слух. Слабото акустично внимание и недоволно развиениот фонематски слух, влијаат ова дете да нема слушна контрола врз говорот
Логопедско – рехабилитациски третман
♦ Од голема важност е дифенцијалната дијагноза
♦ Што ќе се третира најпрво во третманот зависи од тоа кој симптом е најмногу изразен
♦ Ритмичко удирање со прстот
♦ Различни вежби на читање
Основни принципи на третманот се:
♦ Режим и дициплина
♦ Вежби за концентрација на внимание
♦ Координација на движењата на говорот
♦ Развој на смислата за мелодија на зборот
♦ Работа на корекција на секундарните манифестации (читање и пишување)
♦ Вежби за правилно артикулирање на зборови и реченици
ПОВЕЌЕ ОД ИСТИОТ АВТОР, М-Р ИВАНА УРДАРЕВИЌ:
- Поголем број од децата со дизартрија уште од најрани денови имаат потешкотии во процесот на земање храна
- Музичко-ритмички вежби како помош во третман на спор говор кај децата – брадилалија
- Расцепи на усната и непцето – релативно чести вродени аномалии на лицевовиличната регија
- Дали и вашето дете страда од дефицит на внимание со хиперактивност – Хиперкинетски растројства (АДХД)
- Отстранувањето на третиот крајник не значи и дефинитивно решение на зборувањето преку нос
- И доживеан страв може да доведе до пелтечење
