Близината на мама и тато за бебињата е многу важна, а новите истражувања покажуваат дека бебињата се смируваат кога ги држи некој од родителите.
Јапонски научници го набљудувале отчукувањата на срцето на бебињата помали од една година и споредувале како отчукувањата на срцето се менуваат кога мама или тато ги држат, ги гушкаат или ги држат на градите. Истовремено, проверувале и што се случува кога бебињата ќе бидат прегрнати од друга жена, која не им е мајка.
Експериментот покажал дека дури и четиримесечните бебиња различно реагираат кога родителите ги прегрнуваат во споредба со непознати мајки, односно мајки на други деца.
Кога мама или тато го гушкаат детето, отчукувањата на срцето на бебето забавуваат, што значи дека детето се смирува. Кога непознато лице прегрнува дете, тоа не се случува. Истото е забележано и кај постарите бебиња – само родителската прегратка им помага да се опуштат.
Ова чувство е двонасочно, па така и работата на срцето на родителот кој го држи своето дете исто така се забавува, што значи дека и мама и тато се смируваат кога во својата прегратка ги имаат своите наследници.
Интересно е што децата чувствуваат се, па како што се приближуваат до првата година од животот, веќе јасно можат да разликуваат прегратка од ситуација кога родителите едноставно ги држат во раце. Кога мама или тато го гушкаат бебето, се зголемуваат интервалите помеѓу отчукувањата на срцето, што значи дека детето е поопуштено. А ако тие едноставно го држат во свои раце, таков ефект не се забележува.
Од друга страна, научниците посочуваат дека бебињата не треба да се гушкаат премногу цврсто – понекогаш родителите од љубов нежно го „притискаат“ детето кога го гушкаат, но тогаш пулсот на детето се забрзува, што укажува на „преоптоварување“ на нервниот систем.
