Резултати од нова студија укажуваат дека мајчиното млеко го зголемува нивото на хемиски соединенија кои се клучни за раст и развој на мозокот кај недоносените деца со многу ниска родилна тежина. Се смета дека резултатите од оваа студија се уште еден доказ во низата за тоа колку доењето е важно за развојот на детето.
За да утврдат ефектите на доењето на растот и развојот на мозокот била користена спектроскопија на протонска нуклеарна магнетна резонанца.
Во споредба со недоносените деца кои биле хранети со млечна формула, недоносените деца хранети со мајчино млеко имале значајно повисоко ниво на инозитол во белата маса на мозокот и значајно повисоко ниво на креатин.
Колку некое дете подолго било доено, толку повисоко било нивото на креатин и во вода раствориливи хранливи состојки познати како колин. Инаку, во САД секое 10. дете се раѓа како недоносено.
