Најнова студија се надоврзува на резултатите објавени во 2021 година, кои покажуваат дека мајчиното млеко на вакцинирани лица содржело антитела против SARS-CoV-2, вирус што предизвикува КОВИД-19. Друга студија ја анализирала столицата на доенчињата кои консумирале вакво мајчино млеко и таму исто така открила антитела на SARS-CoV-2.
Иако често се смета дека вирусот што предизвикува КОВИД-19 главно влијае на белите дробови, тој може да ги зафати и цревата, поради што е многу важно и таму да се најдат антитела. Треба да се истакне дека антителата внесени преку мајчиното млеко можат да создадат заштитен слој во устата и гастроинтестиналниот тракт на доенчињата.
Оваа студија се надоврзува на се поголем број истражувања кои покажуваат како вакцинирањето против КОВИД-19 за време на бременост и доење може да ги заштити новороденчињата. Во моментов, децата на возраст под шест месеци не можат да примат вакцина, па мајчиното млеко може да биде единствениот начин за создавање на имунитет.
Извор: Journal of Perinatology
