Како што пишува клиниката „Мајо“, аутизмот е невроразвојно нарушување кое се јавува во раното детство и трае цел живот. Нарушувањето од аутистичен спектар е всушност состојба поврзана со развој на мозокот што влијае на тоа како личноста ги перцепира и се дружи со другите, предизвикувајќи проблеми во социјалната интеракција и комуникација. Нарушувањето исто така вклучува и ограничени и повторувачки модели на однесување. Терминот „спектар“ кај нарушувањето од аутистичниот спектар се однесува на широкот опсег на симптоми.
Иако првите симптоми може да се појават многу рано во животот на детето, дијагнозата доаѓа подоцна кога ќе се зголемат барањата на социјалната средина во која живее детето. Но, психолозите нагласуваат дека е исклучително важно да се реагира на најраните симптоми. Токму затоа мајка на девојче со аутизам, Меди, решила да објави видео за да ги предупреди сите родители за раните симптоми на ова нарушување.
Како што објаснила во видеото што го објавила на сопствениот профил на TikTok, уште од рана возраст забележала необични симптоми кај нејзината ќерка, за кои на крајот се утврдило дека се знаци на аутизам.
Тоа биле: одење на прсти, мафтање со рацете, повторувачки вртења на прстите, необично нишање во место, неодговарање на сопственото име и многу други знаци кои, вели оваа мајка, веднаш ја натерале да се посомнева дека нешто не е во ред.
