Да ги прочитате најдобрите книги за родителство, да се советувате со најголемите експерти, свесно со месеци да се подготвувате за детето, сепак ќе бидете изненадени од новиот живот што ќе дојде со бебето. Ќе грешите, но со бебето ќе учите и ќе растете. Мајката Ема Кукард споделува четири најголеми грешки што ги направила со своето прво бебе.
Се обидувала да биде совршена мајка
Секоја мајка сака да биде добра мајка за своите деца. Жените сакаат да веруваат дека нивните мајчински чувства доаѓаат природно и дека ќе ги водат во вистинската насока и ќе им овозможат секогаш да знаат што му треба на нивното дете, вели Ема.
Проблемот настанува кога мајките се убедени дека сè можат, знаат и треба се сами, па почнуваат да одбиваат помош од семејството, пријателите, а понекогаш и од партнерот.
Во ред е да признаете дека се борите со несоница, болно доење и новонастанатата ситуација, истакнува таа.
Таа се присетува дека не сакала никому да го остави своето прво дете и дека немала никаква пауза од мајчинството. Со второто дете веднаш прифатила помош бидејќи сфатила колку и е потребна.
Пребарувала најлоши сценарија
Ема вели дека отсекогаш била склона кон пребарување симптоми на интернет, а доаѓањето на бебето ја зајакнало таа навика.
Таа тврди дека со првото дете постојано пребарувала за однесувањето и симптомите на бебето, секогаш стравувајќи од најлош исход. Понекогаш, поради тоа се јавувала и кај лекари, во паника. Со своето второ дете, комплетно ги отпуштила тие стравови и повеќе не размислува за најлошите сценарија.
Кој е поуморен од кого
Никој не победува во таа игра меѓу партнерите, тврди Ема. Вистина е дека партнер кој работи има време мирно да оди во тоалет, да изеде ужина без никој да плаче, но ако финансиската грижа на семејството е на него, сигурно не му е сеедно.
Нема потреба да водите битки кој е поуморен, кој повеќе работи и кому му е потешко. Оваа ситуација е привремена и важно е да останете партнери во сите предизвици.
Слушала сечии совети
Новите родители секојдневно добиваат совети од најблиските, а често и од сосема непознати. Честопати не го ни бараа тој совет. Ема се присетува како со своето прво дете и свекрвата и нејзината мајка ја опсипувале со совети за тоа колку долго треба да дои, а некои имале коментари и за начините на спиење што ги избрала за своето дете.
Таа тврди дека мајките се изложени на совети од сите страни и дека нивната задача треба да биде да се насмевнат, да кимнат со главата и да си го прават свое.
Веќе со второто дете, вели, советите исчезнуваат бидејќи веројатно сите мислат дека сега знаете се.
