Ако се изземе плачењето на бебето како фактор кој директно влијае на нормалниот циклус на спиење на родителите, стресот е исто така уште еден од причинителите кој во раната фаза на родителството на мајките и на татковците им го пореметува распоредот на спиење.
Меѓутоа, оваа состојба не мора исклучуво да трае само првите неколку месеци. Лоша вест е дека и во наредните шест години по раѓањето на детето, можно е да чувствувате негативни последици на вашиот сон.
Болести, ноќни стравови, одвикнување од пелени и било што друго што вашето дете би можело да искуси, влијае на тоа да бројот на непроспиени ноќи се зголеми.
Исто така, истражувачки тим од Универзитетот Варвик од велика Британија открил дека е поверојатно жените почесто да останат будни во текот на ноќта, грижејќи се за бебето, во споредба со мажите.
Истражувачите испитале 2.541 жена и 2.119 мажи кои добиле дете во периодот помеѓу 2008. и 2015. година. Резултатите покажале дека мајките спијат еден час помалку во текот на ноќта, односно точно 62 минути и тоа во периодот од три месеци по породувањето, додека мажите жртвуваат само 13 минути.
На горе наведените резултати, дополнително изгубени 14 минути сон имале мајките кои дојат и кои мораат да станат за да го надојат детето во текот на ноќта, што вкупно во просек изнесува над 70 минути неспиење.
