Кога се гушкаме, зборови не се потребни, а преку тој магичен момент можеме да пренесеме безброј емоции. Прегратката е универзалниот јазик на љубовта што го користиме за да комуницираме во сите односи во нашите животи, но кога го гушкаме своето дете – тоа е навистина посебно чувство.
Меѓутоа, за најмладите прегратките се многу повеќе од покажување љубов, нежност и внимание. Тие се всушност корисни за нивниот психофизички развој. Односно, колку повеќе ги гушкаме нашите деца – тие стануваат попаметни, потврдило истражување на Националната детска болница во Охајо.
Истражувањето опфатило 125 деца, вклучително и предвремено родени бебиња. Науката потврди дека на децата им требаат прегратки многу повеќе отколку што претходно мислевме.
Значи, да го сакаш своето дете не е само прашање на емоции и среќно детство, туку и развој на неговата иднина и реализација подоцна во животот.
Детето кое често е гушкано е посреќно и позадоволно, поотпорно на животни ситуации, посвесно за себе, поинтелигентно и побрзо во расудување, подобро помнење и поснаодливо во решавањето на животните предизвици.
Веројатно сте слушнале (или сте почувствувале сами) како предвремено роденото бебе напредува побрзо кога лекарите му овозможуваат допир со родителот. Бебињата кои имале повеќе физички контакт и љубов од нивните родители или болничари – се развивале побрзо, а нивниот мозочен одговор бил многу посилен.
Истражувањето вели дека четири прегратки дневно се потребни за преживување, осум прегратки дневно за одржување на задоволство и 12 прегратки дневно за самодоверба и раст.
