Децата, кога се на возраст од една до три години, особено дел од нив се посрамжеливи од другите и тоа е сосема во ред со оглед дека срамежливоста е дел од развојната фаза на секое дете. Станува збор за деца кои немаат толку самодоверба како постарите деца, кога се работи за нови ситуации и луѓе. Можно е детето и карактерно да е посрамежливо, но веројатно станува збор за фаза која ќе ја надрасне.
Децата треба да се навикнат на нов терен
Бројни се причините зошто дете на возраст од една до три години може да покажува срамежливост. Една од нив е дека тоа е едноставно е дел од карактерот, како и дека децата се интроверти, што треба да се прифати.
Некои деца немаат многу искуство со други луѓе и на неппознат терен, па им е потребно врме да се асимилираат и тоа може да изгледа како срамжеливост.
Светот е возбудливо, но понекогаш и застрашувачко место за дете кое штотуку почнува да зборува, да оди и да си игра со други. Понекогаш срамежливоста е начин да се заштитат од нови и потенцијално стресни ситуации.
Објаснете му на детето што може да очекува на дружењата
Повеќето деца стануваат помалку срамежливи во предучилишна возраст и почнуваат да се чувствуваат поудобно во непознати ситуации. Избегнувајте да им давате етикети на срамежливите деца и да ја истакнувате нивната срамежливост. Наместо тоа, дајте им пример како да се однесуваат во одредени ситуации така што ќе први ќе започнете разговор со друга личност.
Не форсирајте дружења, но поттикнете ги да им се приближат на други деца, најдобро познати, како роднини или соседи. Малите срамежливци понекогаш ќе бидат поотворени со малку помали деца затоа што ќе им се допадне чувството да бидат пример за некого.
Подгответе го детето за дружења на кои одите и отприлика наведете му што може да очекува, кој ќе биде таму, дали познава некого и како се викаат новите луѓе што ќе ги запознае. Добро е на вакви настани да доаѓате порано, за детето да има доволно време да го истражи новиот простор и да се адаптира.
