Многу луѓе со радост го дочекуваат крајот на летното сметање на времето, бидејќи тоа значи еден час повеќе за спиење. Но, за родителите, промената на времето не значи ништо – децата и понатаму ќе се будат во исто време како што се навикнати.
„Оваа промена всушност е многу тешка“, вели В. Кристофер Винтер, експерт за спиење. „Во овој период ќе се будиме во темнина, деновите ќе стануваат сè пократки, а ќе недостасува и веселата сончева светлина.“
За родителите, и двете сезонски промени на времето се предизвикувачки, затоа што децата имаат свој биоритам, а поместувањето на часовникот – било нанапред или наназад – не им значи ништо.
Портал за родители ја претставува реалноста преку еден вид Марфијев закон – еве што најчесто им се случува на семејствата со мали деца кога започнува зимското сметање на времето:
- Ќе ја заборавите промената на времето, па 20 минути пред спиење ќе паничите и ќе се налутите на оние кои одамна одлучиле да го воведат ова правило.
- Ќе го земете мобилниот телефон и ќе „гуглате“ зимско сметање на времето – само за да бидете сигурна дека навистина е денес.
- Потоа, со зрак надеж, ќе му кажете на сопругот: „Можеби ќе успееме малку повеќе да се наспиеме.“
- Децата ќе ве разбудат во 4 часот наутро.
- Ќе бидете лута на сите свои пријатели кои немаат деца и кои во тој момент спијат.
- Ќе се обидете да го поткупите детето да преспие уште малку.
- За време на ручекот, ќе имате чувство како да сте будна веќе три години, а кога ќе погледнете на часовникот, ќе биде само 14 часот – а целиот остаток од денот ќе биде пред вас.
Еден од советите како да му помогнете на детето полесно повторно да заспие, е да ја затемните собата или да ја задржите затемнета подолго од обично, и да внимавате на температурата. Ако просторијата за спиење е малку постудена, полесно ќе се заспие отколку во претопла соба.
Исто така, ако мислите дека тоа нема да функционира, ден претходно пробајте да го „изморите“ детето така што ќе го прескокнете попладневното дремење и ќе го вклучите во дополнителни активности – било тоа прошетка до продавница или до паркот.
