Мажите создаваат повеќе Covid-19 антитела од жените и се подобри донатори на конвалесцентна плазма, открива најновото британско истражување.
Лицата кои го победиле коронавирусот се повикани да даруваат крв, како дел од големото истражување на NHS, кое ќе оцени дали може плазмата да им помогне на некои од најтешко болните пациенти со Ковид-19.
Третманот – првпат користен во пандемијата на шпански грип во 1918 година и исто така даден за третман на САРС – функционира со употреба на течен дел од крвта, познат како конвалесцентна плазма
Статистичките податоци на NHS покажуваат дека околу 43% од машките донатори имале крв доволно богата со антитела за да бидат вклучени во истражувањето. За разлика од нив, стапката кај жените изнесувала само 29 проценти, а студиите покажуваат дека тие почесто го избегнуваат сериозниот удар на болеста.
Здравствените власти во Британија сега повикуваат повеќе мажи да излезат и да донираат крв „за да спасат животи“ од коронавирусот.
Сè уште не е пронајден лек за коронавирусот SARS-CoV-2, а илјадници пациенти ширум светот се вклучени во испитувања за ветувачките лекови.
Конвалесцентната плазма терапија е еден од третманите за Ковид-19, кој се тестира во Велика Британија, при што 3.500 хоспитализирани пациенти се очекува да добијат крв од донатори.
Третманот – прв пат користен во пандемијата на шпански грип во 1918 година и исто така даден за третман на САРС – функционира со употреба на течен дел од крвта, познат како конвалесцентна плазма.
Оваа плазма богата со антитела се инјектира кај пациенти со Ковид-19 кои се борат да создадат свои антитела, со надеж дека може да помогнат во чистење на вирусот.
Антителата се супстанции произведени од имунолошкиот систем кои складираат сеќавања за тоа како да се борат со специфичен вирус, како што е SARS-CoV-2. Во моментов е нејасно колку долго траaт Covid-19 антителата, обезбедувајќи некаква форма на заштита, кај луѓе кои го поминале вирусот. (Дејли мејл)
КОЈ МОЖЕ ДА БИДЕ ДОНАТОР НА КОНВАЛЕСЦЕНТНА ПЛАЗМА
Конвалесцентна плазма може да дарува лице кое има оздравено од инфекција COVID-19, ако ги исполнува стандардните услови за дарување на крв и дополнителните критериуми:
- Да имaат документиран лабораториски доказ дека биле болни од COVID-19;
- Да имаат два негативни теста во рок од 24 часа;
- Да се минимум 21 ден без симптоми, по што ќе се направи дополнителен тест (трет) за да се потврди дека нема присуство на вирус;
- Машки дарители или женски дарители кои не раѓале или се негативни на HLA антитела;
- Ќе биде земен примерок за одредување на концентрација и/или титар на неутрализирачки антитела Anti-SARS-CoV-2.
- Постапка за дарување на плазма се вика плазмафереза и се изведува со високо софистициран клеточен сепаратор
КАКО СЕ ОДВИВА ПОСТАПКАТА
Постапка за дарување на плазма се вика плазмафереза и се изведува со високо софистициран клеточен сепаратор. Постапката трае од 40 до 60 минути и се издвојува од 300 до 600 мл плазма, а останатите компоненти се враќаат на донорот. Плазмата која е дарувана е течниот дел на крвта кој брзо се надокнадува. Дарител може да биде лице на возраст од 18 до 60 години со телесна тежина поголема од 60 килограми кој ги исполнува горенаведените критериуми.
- Формуларот за донатор на COVID-19 конвалесцентна плазма може да се најде на следниот ЛИНК.
