Голем број жени мислат дека не можат да забременат набрзо по породувањето, се додека повторно не добијат менструален циклус. Доењето често се споменува и како природна контрацепција, па жените сметаат дека не можат да останат трудни додека дојат.
Овулација по породувањето
Околу две недели пред да се добие повторно циклус, се јавува и првата овулација по породувањето. Токму во тој момент е можно забременување и изостанокот на менструален циклус всушност да значи дека дошло до бременост. Проблемот е што жените, ако немаат други симптоми (мачнина, вртоглавица, благо крварење), не можат да знаат дека повторно се бремени се додека бременоста не поодмине.
Вистина е дека плодноста не се враќа веднаш по породувањето, особено ако доите. Но, не постои можност да се предвиди колку ќе трае овој период. Значи, ако не се користи котрацепција, а се има сексуални односи, многу лесно може да дојде до бременост, а тоа и да не го знаете. Неможно е да се предвиди колку време ќе помине до добивање на повторен менструален циклус по породувањето.
Циклус по породувањето
Доколку доите, нема правило кога ќе се добие повторно менструација. Може тоа да се случи по шест недели, но и откако ќе прекинете со доење, а до тогаш може да поминат и две години. Ако бебето се храни со адаптирано млеко или доењето го комбинирате со вештачка храна, менструалниот циклус се јавува по 6 до 10 недели по породувањето.
