Некои родители се плашат да не го повредат новороденчето, па затоа не го мијат убаво, што може да доведе до разни проблеми со кожата. Но, нема причина за грижа, оти по неколку пати ќе станете вистински стручњак за капење на бебето.
Ова се неколку практични совети како оваа обрска да ја претворите во игра и задоволство, и за вас и за бебето.
ПРЕД КАПЕЊЕ
Пред капење измијте ја кадичката. Иако постојат на пазарот голем број кадички за бебиња, најпрактично ќе ви биде најобично пластично корито во кое бебето ќе има доволно простор. Многу педијатри предлагаат да купите мало постоље кое овозможува бебето да лежи во коритото, а рацете да ви бидат слободни.
Температурата на водата проверете ја со подлактицата или термометар. Таа не треба да биде повисока од 37 степени, а идеална длабочина на водата е околу пет сантиметри. Капете го бебето таму каде ви е најпрактични, но во првите денови најзгодно е тоа да го правите на кревет или некој понизок ормар, оти бебето не прска вода.
ШТО ВИ Е ПОТРЕБНО?
Задолжително подгответе се што ви е потребно пред да го намокрите со вода бебето. При рака треба да имате: сапун или купка, крема, пелени, пешкир, чиста облека. Бебето главно се капе со нежни движења по телото и полека се спушта во коритото. Зборувајте со него, и додека го капете и додека го пресоблекувате, оти тоа ќе го направи капењето пријатно.
Детето секогаш капете го од глвата надолу, и користете памучна пелена за да ги исмиете прегибите. Не се враќајте на делови од телото кои сте ги измиле и користете козметика по препорака на лекар. Обрнете внимание убаво да ја измиете косата и не плашете се дека ќе го повредите детето. Ако главата не е добро измиена може да се јават бројни проблеми.
ВНИМАТЕЛНО СО БРИШЕЊЕТО
Гениталиите мијте ги внимателно и ако имате девојче, никогаш не го бришете од задникот нагоре, туку во обратна насока.
Кога ќе го искапете детето, време е за плакнење. Првите три прста од едната рака одат на градниот кош на бебето, а со другата рака плакнете го. За тоа ви е потребна помош, односно некој кој ќе ви потура вода.
Кога бебето и искапено, замотајте го во памучен пешкир, а најпрактични се оние со капа. Наместо да го трлате бебето, исушете го со нежни тапкања по кожата. Избршете ги ушите, од внатрешна и од надворешна страна, намачкајте го со крема, не ставајте на други прегиби, освен на препоните. Облете го детето и нахранете го. Многу е важно, пред капењето, бебето да не биде гладно, оти ќе биде нервозно и плачливо.
Обидете секогаш да го капете во исто време, со оглед дека бебињата сакаат рутина.
