Само затоа што сте млади, не значи дека коронавирусот нема да влијае на вас доколку се заразите. Младите луѓе кои имале поблага форма на коронавирус, сепак може да страдаат од долгорочни промени во крвните садови, покажува мала нова студија.
Иако SARS-CoV-2 првенствено влијае на белите дробови и е особено опасен за постарите лица, се повеќе истражувања покажуваат дека тој, исто така, остава траен белег на кардиоваскуларниот систем, дури и кај младите и кај оние кои имале само благи симптоми на болеста, пишува „Science Alert“.
Дури и ако сте млади и здрави, па дури и ако сте имале многу лесни симптоми на вирусот, влијанието врз вашето кардиоваскуларно здравје може да трае долго откако симптомите ќе исчезнат
Во најновата студија, истражувачите го споредувале васкуларното здравје на 30 млади луѓе, од кои половина имале позитивен тест на Ковид-19 околу еден месец порано, а половина биле во добра здравствена состојба.
Анализирајќи ги ултразвучните снимки на нивните артерии, тимот открил значајна разлика помеѓу двете групи.
Иако никој не бил хоспитализиран, артериите на заразените со коронавирус пред три до четири недели биле поцврсти и помалку еластични од здравата група.
Влијание врз кардиоваскуларното здравје
Каротидната артерија која носи крв во мозокот била во просек 27% помалку способна да набрекне и 22% помалку еластична. Аортата, која испушта крв од срцето, исто така била засегната.
Нејасно е како изгледале овие крвни садови пред учесниците да добијат Ковид-19, што е ограничување на оваа студија, но бидејќи истражувачите не можеле да предвидат појава на глобална пандемија, тие ги замениле овие споредби со податоци од здрави лица.
Младите луѓе кои имале поблага форма на коронавирус, сепак, може да страдаат од долгорочни промени во крвните садови, покажува мала нова студија
Големината на примероците е мала, но првичните наоди се во прилог на тоа дека Ковид-19 не е нешто со кое би требало да се игра. Дури и ако сте млади и здрави, па дури и ако сте имале многу лесни симптоми на вирусот, влијанието врз вашето кардиоваскуларно здравје може да трае долго откако симптомите ќе исчезнат.
Наодите се совпаѓаат со долгорочните студии
Промените во вкочанетоста и структурата на артериите го зголемуваат ризикот од кардиоваскуларни состојби, како што се аритмија, акутен коронарен синдром или згрутчување на крвта, а ова е особено загрижувачко за младите луѓе кои имаат и други основни здравствени проблеми кои го ставаат во опасност васкуларниот систем, како на пр. дијабетес или хипертензија.
Без разлика дали сте млади или стари, со симптоми или не, ова е вирус што, во смисла на инфекција или ширење, треба да се избегнува
Потребни се дополнителни истражувања за да се утврди кој е изложен на ризик и колку долго останува оваа артериска вкочанетост, но наодите во голема мерка се совпаѓаат со други долгорочни студии кои известуваат за васкуларни промени кои можат да траат до три месеци и не се поврзани со сериозноста на Ковид – симптомите.
Всушност, многу луѓе кои моментално страдаат од долготрајни симптоми на Ковид-19 првично пријавиле само благи симптоми.
Сепак, неколку недели или дури и месеци по позитивното тестирање, многумина велат дека сè уште се борат за воздух или регулирање на крвниот притисок, што укажува на долгорочно оштетување на срцето и белите дробови.
Без разлика дали сте млади или стари, со симптоми или не, ова е вирус што, во смисла на инфекција или ширење, треба да се избегнува. Студијата е објавена во списанието „Experimental Physiology“.
