Нова студија дошла до заклучок дека поголемиот број на хоспитализирани пациенти со КОВИД-19 имаат невролошки симптоми. Истражувањето објавено до списанието Annals of Clinical and Translational Neurology покажало дека невролошките проблеми се јавиле кај четири петтини од заболените.
Студијата опфатила податоци од медицинската евиденција на 509 пациенти со коронавирус кои биле хоспитализирани во девет болници помеѓу март и април на подрачјето на Чикаго. Меѓу тие пациенти, една четвртина имала потреба од респиратор, односно 26,3 проценти.
Авторите на истражувањето откриле дека дури 42,2 проценти од пациентите, невролошките симптоми почнале да ги чувствуваат пред хоспитализацијата поради болеста КОВИД-19. До моментот кога состојбата била толку сериозна да мораат болнички да се згрижат поради инфекцијата, 62,7 проценти од нив имале невролошки симптоми.
Што се однесува до симптомите, 45 проценти од пациентите чувствувале болка во мускулите, 37,7 проценти имале главоболка, а 32 проценти енцефалопатија. Вртоглавица била присутна кај 30% од нив, пореметување на осетот за вкус имале 16%, додека 11,4% доживеале губење на чувството за мирис.
Истражувачите октриле дека пациентите со невролошки симптоми биле помлади во однос на оние пациенти кои не демонстрирале вакви симптоми. Истовремено, пациентите со ваков тип на симптоми, останувале во болница подолго и ниту еден од нив не останал хоспитализиран покусо од осум дена.
