Девојчињата и момчињата некогаш изгледаат како два различни света. Кога се манифестираат овие разлики и со што се условени? Дали зависат од гените или опкружувањето и образованието?
Важност на хормоните
Гените ја одредуваат разликата уште во зачнувањето – хромозоми XX за девојчиња и XY за момчиња, но големо влијание имаат и хормоните. Поточно, тестостеронот, машки хормон кој влијае на развојот на момчето уште од 8. недела во стомакот на мајката. Тогаш се појавуваат тестисите, почнува производството на тестостерон и мозочните клетки на момчето се менуваат.
На развојот на автономијата, освен генетиката, влијае и опкружувањето. Токму поради тоа, се верува дека девојчињата се помалку активни од момчињата, само затоа што родителите почесто ги стопираат.
Кога родителите не би влијаеле со различни забрани до 4. година, сите деца би ги следел ист процес на развој кон независност, со индивидуални разлики.
Некои деца прво ползат па проодуваат, некои ја прескокнуваат фазата на ползење и веднаш се исправаат, но на сите целта им е да се движат за да добијат автономија. Различните улоги доаѓаат подоцна, околу 4-5 година, кога девојчињата се определуваат главно за кукли, а момчињата за коцки и автомобили. Едните глумат мајка, другите татко.
Девојчињата прозборуваат порано, во просек два месеца пред момчињата, и користат повеќе зборови. Со 18 месеци, девојчињата користат околу 90, а момчињата 40 зборови.
