Мачнината предизвикана од двиежење може да се појави кај децата во било кој момент, без разлика дали патувате со автомобил, автобус, брод или воз. Ако детето никако не поднесува патување, разговарајте со педијатар за можноста за употреба на лекови против мачнини при движење, а за вообичаени ситуации обрнете внимание на овие неколку работи.
Внимавајте што јаде детето пред и за време на патувањето
Не дозволувајте детето да патува со празен стомак бидејќи мачнините почесто се јавуваат доколку детето не јадело ништо. Оброкот пред пат треба да биде лесен, а корисни се и почести мали оброци за време на патувањето, најдобро интегрални крекери или леб.
Избегнувајте мрсна храна пред патување како и големи промени на вообичаените оброци. Соковите и киселото овошје не се добар избор за јадење пред и за време на патувањето бидејќи нивната киселост и сладост може да го иритираат чувствителниот желудник во движење. Вода или незасладен билен чај нека бидат детски напивки на патувањето.
Редовно проветрувајте го автомобилот кога возите, бидејќи свежиот воздух може да го намали гадењето. Мотивирајте го детето да гледа низ прозорецот и тоа во далечина. Разговарајте за планините, шумите и за она што е пред вас за да му помогнете да се фокусира на нешто друго.
Преголемата активност може да ја засили мачнината
Добро е да го договорите патувањето во период кога детето обично одмора или спие. Преголема активност и премногу надразби во автомобилот може да ја поттикнат или интензивираат мачнината. Ако детето не може да одмора, разговарајте и тргнете му ги мислите од мачнините. Играјте игри со зборови, решавајте загатки, но без пишување или раскажете му приказна.
Задолжително подгответе доволен број пластични кеси за можно повраќање, доколку ниту еден од овие совети не функционира. Секогаш имајте со вас пакет влажни марамчиња за чистење и облека за пресоблекување на детето.
Помалите деца понекогаш не знаат да најават дека ќе повраќаат, но почнуваат да се држат за грлото, кашлаат или стануваат бледи. Кога детето ќе поврати во автомобилот, застанете, исчистете колку што можете повеќе и не се зборувајте премногу за тоа што се случило за детето да не се чувствува виновно. Проветрете го автомобилот, одморе малку и продолжете понатаму.
