“Бремена сум, ова ми е прво дете и мене и на сопругот. Ме загрижува тоа што и двајцата имаме алергија на одредена храна. Дали тоа е наследно? Постои ли начин да го заштитиме нашето неродено бебе од алергии?“, е прашањето што го поставила загрижена мајка на педијатрите во едно руско списание.
Голем е бројот на родители кои се загрижени дали нивните болести ќе ги пренесат на децата. И додека за некои со сигурност се знае дека може да бидат наследни, постојат заболувања кај кои ризикот се зголемува во одредени случаеви.
“Доколку двајцата родители боледуваат од алергија, ризикот од развој на алергиски болести кај детето е над 75 проценти. Притоа, не се наследува болеста, туку способноста на телото да реагира на иритирачкиот фактор“, објаснува д-р Татјана Шаповаленко и додава дека сепак постои ‘надеж’.
“Ризикот од смерија може да се намали. За време на бременоста и доењето, жената треба да го ограничи консумирањето на високо алергени намирници (цитрусно овошје, чоколадо, димено месо, црвен зеленчук) и да се обиде да спречи влошување на алергиската реакција. За време на хранење на детето, мора да ја следите неговата реакција на новата намирница. Исто така, добро е да се ‘зајакне’ детето и да се навикне на спорт, да се засили имунитетот со одење на море и активности во природа“, додава педијатарката.
