Надежите за елиминација на коронавирусот се зголемија денеска откако водечките британски експерти открија дека испитувањата за вакцина против COVID-19 наредната недела ќе започнат да се изведуваат на луѓе.
Научниците од Универзитетот Оксфорд се уверени дека вакцината може да биде готова до есен. Имено, експерименталните тестови на различни животни – ветуваат, а следниот чекор е да се тестира на луѓе за да се докаже дека е безбедена.
Тимот од Оксфорд е еден од стотината во светот кои се тркаат да развијат вакцина против COVID-19, за која експертите стравуваат дека ќе бидат потребни 18 месеци.
Повеќе од 70 вакцини во моментов се во развој, според Светската здравствена организација (СЗО).
Три различни групи, една во Кина и две во САД, веќе започнаа испитувања врз луѓето.
Во програмата за вакцина на Универзитетот Оксфорд веќе се ангажирани 510 лица, на возраст меѓу 18 и 55 години. Тие ќе примат или вакцина ChAdOx1 nCoV-19, која е развиена во Оксфорд, или контролна инјекција за споредба.
Професорот Адријан Хил, кој ќе го предводи истражувањето, рече: „Преминуваме на човечки испитувања следната недела. Вакцината ја тестиравме кај неколку различни животински видови. Имаме прилично претпазлив пристап, но брз за да ја процениме вакцината што ја развиваме“.
Повеќе од 70 вакцини во моментов се во развој, според Светската здравствена организација (СЗО)
Вакцината на британскиот тим потекнува од шимпанза, на кои им се вбризгува коронавирус за да се произведат антитела кои можат да се користат за зајакнување на имуниот систем на луѓето.
Надежите и очекувањата се дека оваа вакцина ќе биде готова во септември.
Сепак, официјални лица од британското јавно здравство, и покрај почетокот на испитувањата врз луѓе, велат дека ќе биде потребно од една година до 18 месеци за целосно да се потврди секоја потенцијална вакцина.
Главниот научен советник на Велика Британија минатиот месец рече дека ќе биде најрано 2021 година пред да биде готова вакцината.
Водечките истражувачи од Оксфорд повикаа здрави волонтери да бидат намерно заразени со коронавирусот за да ја забрзаат трката за вакцина.
Надежите се дека оваа вакцина ќе биде готова во септември. Наспроти нив, официјални лица од британското јавно здравство, велат дека ќе биде потребно од една година до 18 месеци за целосно да се потврди секоја потенцијална вакцина
Лековите и вакцините генерално се тестираат во три фази пред да бидат одобрени за човечка употреба. Последната, трета фаза на тестирање е најбитната. Вклучува стотици, понекогаш и илјадници луѓе на повеќе локации во подолг временски период.
Тројца научници, вклучувајќи го и професорот на Харвард, Марк Липсич, минатиот месец предложија да се заобиколи фазата три за да се забрза процесот. (Дејли мејл)
