Во текот на првите денови по породувањето, хормоните се менуваат од оние кои биле присутни да ја одржат бременоста до оние кои ја поддржуваат лактацијата и доењето. Во бременоста нивоата на естроген и прогестерон се многу високи, бидејќи го поддржуваат растот и развојот на бебето во стомакот.
Пролактинот е хормон што ги подготвува градите за доење, а прогестеронот за време на бременоста не му дозволува да доведе до лактација. Кога нивото на прогестерон ќе се намали кога ќе се породите, тогаш телото може да произведува млеко. Окситоцинот е исто така оној што поттикнува лактација исто како и допирот на бебето.
Зошто се важни сите овие хормони? Бидејќи сето ова доведува и до овулација, така што до бременост може да дојде и во време на доење. Многу мајки мислат дека тоа не е можно во овој период. Сепак, можно е, и ако не обрнете внимание може да дојде до бременост, која можеби се уште не сакате да се случи. Се препорачува да разговарате со вашиот гинеколог за видот на контрацепција што може да го користите додека го доите бебето.
Шансите за забременување се зголемуваат и тогаш кога ќе добиете прв менструален циклус, по породувањето, без оглед на доењето. Важно е да знаете дека дури и пред тоа постои шанса да забремените.
