Многу родители чии деца се хранат со млечна формула, се соочуваат со дилемата кога можат да прејдат на кравјо млеко или до кога детето треба да пие млечна формула. Еве што велат нутрицонистите:
По првата година, препорачливо е на детето да му се дава млеко, и ако тоа не покажува знаци на алергиска реакција, слободно може да му се вклучи во дневните оброци, потенцираат нутриционистите. Тие укажуваа да се внимава, тоа да биде количина од 200 до 500мл (максимум) во текот на денот, без разлика дали ќе го испие со шишенце или ќе се вклучи во некој житен оброк или кашичка.
Во овој период, можно е детето да не јаде толку колку што јадело претходно, оти тоа е период кога растат забите или нешто друго им го окупира вниманието, па детето не сака да јаде. Затоа, велат нутриционистите, не се загрижувајте ако детето има намален апетит, и не го поврзувајте тоа со кравјото млеко или млечните производи.
Тие советуваат секоја храна да се воведува постапно, што значи и кравјото млеко и млечните производи.
