Слушањето класична музика, без разлика дали е Моцарт, Бетовен или Бах, може да предизвика радост, но и да ги смири децата на чудесен начин. Кај бебињата, класичната музика помага да се подигне нивното расположение и влијае на нивниот развој. А дали сте знаеле дека познатите детски песнички како „Лондон Бриџ“ и „Мери имаше мало јагне“ ( ‘London Bridge’; ‘Mary had a little lamb’) се инспирирани од класични мелодии?
Зошто класичната музика е добра за бебиња?
Класичната музика не само што звучи ангелски, туку има и чудесно влијание врз умот и душата на детето.
- Помага во усвојувањето на јазикот
- Му помага на бебето полесно да заспие
- Има позитивни ефекти врз здравјето на детето
А може ли класичната музика да ги направи вашите бебиња попаметни?
Ефектот на Моцарт е дефиниран со студија од 1993 година во која учениците по само 10 минути слушање на Моцартовата соната покажале подобро размислување во геометријата. Меѓутоа, „ефектот на Моцарт“ бил привремен и траел само околу 10 до 15 минути.
Објавените резултати од оваа студија предизвикаа голем интерес во САД. Многу семејства почнаа да им пуштаат класична музика на своите деца, а државата Џорџија отиде чекор понапред и почна да дели бесплатни ЦД-а со класична музика на новороденчињата. Но, последователните студии покажаа мешани наоди; некои не можеа да се пофалат со резултатот, додека други ја поддржаа теоријата.
Истражување спроведено на деца од предучилишна возраст покажало зголемена ефикасност во задачите за сечење и виткање хартија поради изложеност на класична музика. Но, такво подобрување било видливо и кога децата слушале друга музика и приказни. Ова покажало дека децата биле подобри, не поради класичната музика, туку затоа што уживале во тоа што го слушале.
Значи, иако класичната музика е корисна за бебето, во моментов нема докази кои нукажуваат на подобрување на општата интелегенција.
12 најдобри класични композиции за бебиња
Без разлика дали сакате да го смирите вашето бебе, да го забавувате или да му помогнете да заспие, на оваа листа постојат дела на класичната музика за секое сценарио.
1. Јохан Себастијан Бах – Schafe können sicher weiden
2. Брамс – Wiegenlied Op. 49 No. 4 (Lullaby)
3. Џоакино Росини – „Uvertira William Tell“
4. Волфганг Амадеус Моцарт – „Соната за пијано бр. 11 во А дур“
5. Клод Дебиси – „Месечева светлина“
6. Феликс Менделсон – „Мирно море и успешно патување“
7. Ралф Вон Вилијамс – „Lark Ascending“
8. Јохан Себастијан Бах – „Air on G String“
9. Моцарт – „Серенада бр. 13 во Г-дур, К. 525“
10. Шарл Гуно – „Аве Марија“
11. В. А. Моцарт: 12 варијации во Ц-мол на француската песна „Ah vous dirai-je maman“
12. Виктор Херберт – „Марш на играчките“ (‘March Of The Toys’)
Иако слушањето класична музика не мора нужно да ги направи бебињата попаметни, може да им помогне во смирувањето и да им го подигне расположението, во зависност од избраната композиција. Раниот вовед во класичната музика, исто така, може да му помогне на детето да развие склоност кон неа. Имајте на ум дека изложувањето на музика е добро за доенчињата, додека гледањето во екран е штетно. Редовното слушање класична музика може да биде совршена можност да поминете квалитетно време со вашето малечко.
