Досегашните студии не утврдиле недвосмислено дали коронавирусот навистина може да преживее во вашата коса и колку долго. Но, бидејќи вирусот може да остане на некои други површини, постои можност тој да остане на косата со часови, па дури и со денови. Тоа не значи дека треба да ја миете вашата коса секој пат кога ќе се вратите од надвор.
Ако сте дошле во контакт со вирусот и потоа сте ја допирале косата, постои можност честичките од вирусот на вашите раце да се пренесат на косата
Студија објавена во часописот „The Lancet“ открила дека Ковид-19 може да преживее на облека еден ден, а на нерѓосувачки челик и пластика четири дена.
Според експертите, ова не треба да ве загрижува се додека се придржувате до другите епидемиолошки мерки кои вклучуваат носење маски и одржување на физичка дистанца. Дури и ако некој кивне во вашата коса, шансите за инфекција се исклучително мали бидејќи ретко ја допираме косата.
Меѓутоа, некои други работи можат да ве направат поранливи на вирусот. На пример, ако постојано допирате јавни површини, а не ги миете веднаш рацете, може да бидете изложени на ризик од инфекција ако ја допрете косата со контаминирани раце. Кога сте надвор, обидете се да не ја допирате косата. Ако сте дошле во контакт со вирусот и потоа сте ја допирале косата, постои можност честичките од вирусот на вашите раце да се пренесат на косата.
Податоците кои се моментално достапни укажуваат на тоа дека шансата да се добие коронавирус преку косата е исклучително мала, пишува „Times of India“. Но, и понатаму треба да се придржувате до пропишаните превентивни мерки, што значи дека треба да носите маски, да одржувате физичко растојание и редовно да ги миете рацете за да се заштитите себеси и вашите најблиски.
