По царски рез, мајката обично останува во болница од три до пет дена, а една од причините, освен проверката на резот и општата здравствена состојба и состојбата на бебето, е тоа што абдоминалната операција може да предизвика привремен проблем со мускулна контракција и забавеност на цревата, така што се потребни дури до четири или пет дена за првата столица.
Освен што ве боли раната од породувањето, надуеноста, грчевите и отежнатата прва столица, се само дополнителни проблеми, а вие сакате што поскоро да си одите дома, во интимноста на сопствениот дом, да поминете време со вашето бебе.
Како научниците дошле на идеја да проучуваат како гумата за џвакање ја поттикнува дигестијата по породувањето, не знаеме, но оваа тема е обработена во неколку студии и препорачаат да, ако се подготвувате за породување со царски рез, треба да ставите пакетче гуми за џвакање во вашата болничка торба.
“Џвакањето“, односно гумата за џвакање е форма на ‘лажно хранење’, односно станува збор за активност која во телото поттикнува реакции како да сме внесле нормална храна, но ниту храна ниту пијалакот всушност не се варат и не се апсорбираат.
Првенствено, џвакањето гума за џвакање поттикнува производство на плунка, со што се намалува сувоста на устата, која е интензивирана по операцијата, но и ги “буди“ цревата и ги поттикнува на работа.
Во истражувањата, кои ги спровеле научниците, на мајките кои џвакале гума за џвакање, престојот во болница се намалил дури за 10 часа.
Точните препораки за џвакање не се утврдени, а сите студии се разликувале во однос на тоа кога мајките почнале да џвакаат (веднаш по царски рез или 12 часа подоцна), колку долго џвакале (од 15 до 60 минути) и колку време џвакале дневно (од три до над шест часа).
Освен што ја поттикнува подвижноста на цреваа, џвакањето гума за џвакање без шеќер ефикасно ја забрзува работата на цревата и го скратува времето на престојот во болница.
