♦♦♦♦♦♦♦
Научниците се загрижени дека новата мутирана варијанта на коронавирус може полесно да ги зарази децата откако податоците сугерираат дека овој сој има поголема способност да се шири меѓу младите отколку другите соеви.
Експертите итно ја истражуваат новата мутација на вирусот за да ги разберат подобро неговите ефекти врз пациентите и вакцините.
Професорот Нил Фергусон, од Империјал колеџ во Лондон им изјави на новинарите дека податоците за инфекциите низ југоистокот на земјата покажуваат дека новата варијанта на вирусот има статистички позначителна стапка на инфекција помеѓу децата отколку другите видови.
„Постои навестување дека има поголема склоност да ги зарази децата. Тоа можеби ќе објасни некои од разликите, но ние не утврдивме никаков вид каузалност, но можеме да го видиме тоа во податоците “.
„За време на заклучувањето во Англија, видовме општо поместување на возрасната дистрибуција на вирусот спрема децата, и тоа беше точно она што би го очекувале, со оглед на тоа што бевме заклучени, што ги намалуваше контактите меѓу возрасните, но училиштата беа сè уште отворени. Но, она што го видовме во период од пет или шест недели е постојано – пропорцијата на варијантата на вирусот кај деца под 15-тина години е статистички значително поголема од не-варијантниот вирус.
Податоците за инфекциите низ југоистокот на земјата покажуваат дека новата варијанта на вирусот има статистички позначителна стапка на инфекција помеѓу децата отколку другите видови
„Ние сè уште го истражуваме значењето на тоа. Ова е хипотеза во моментот којашто не е докажана, но ако беше вистина, тогаш ова можеше да ја објасни значителната пропорција, можеби дури и мнозинството, од порастот на трансмисијата, но треба да се заврши многу повеќе работа за да се истражи ова подетално“.
Професорката Венди Баркли, член на владината советодавна Група за закани од нови и респираторни вируси, додаде: „Не велиме дека ова е вирус што е специфично насочен кон децата или е поконкретен во неговата способност да зарази деца, но знаеме дека COVID-19 не беше толку ефикасен во влијанието врз децата како што беше кај возрасните“.
Професорката Венди Баркли, член на владината советодавна Група за закани од нови и респираторни вируси, додаде: „Не велиме дека ова е вирус што е специфично насочен кон децата или е поконкретен во неговата способност да зарази деца, но знаеме дека COVID-19 не беше толку ефикасен во влијанието врз децата како што беше кај возрасните“
Таа рече дека една идеја е дека новиот сој на вирусот може подобро да се поврзе со човечките клетки за да ги зарази, што значи дека онаму каде што вирусот претходно се бореше да ги зарази децата, тие сега се „на повисоко ниво за играње“ со возрасните во однос на инфекцијата.
Питер Хорби, претседател на NERVTAG и професор за нови заразни болести на Универзитетот во Оксфорд, рече дека од првичната анализа на податоците, што ја натера владата да го откаже планираното петдневно укинување на ограничувањата за време на Божиќ, научниците сега се посигурни во врска со ризиците од новата мутација на вирусот.
Тој рече: „Попладнево (понеделник) повеќе од десетина научници повторно се сретнаа со некои нови лица кои не беа на петочниот состанок. Повторно ги поминавме сите податоци и дополнителни анализи, со поголеми сетови на податоци и со употреба на различни методи. Заклучокот попладнево е дека сега сме поуверени дека оваа варијанта има предност во трансмисијата во однос на другите варијанти на вирусот во моментов во Велика Британија“.
-
Научниците се обидуваат да ја проучат новата варијанта на вирусот за да утврдат дали планираните вакцини, сепак, ќе бидат ефикасни
На прашањето колку е уверена дека вакцините ќе бидат ефикасни, проф. Баркли рече: „Во моментов не сме целосно сигурни и многу е важно да направиме анализи за тоа многу брзо. Најдиректен начин да се направи тоа брзо е да се разгледа начинот на кој антителата што се зголемени кај примателите на вакцини можат да го препознаат овој вирус и променетиот шилест протеин што тој го претставува. Таа работа е во тек во неколку лаборатории низ Велика Британија во моментот, и ќе открие дали има разлика или не“. (Индипендент)
