Во текот на годините неколку студии се обидувале да дојдат до заклучок зошто е тоа така. Некои истражувања од 60. години наведуваат дека тоа е поврзано со физичкиот допир на левата страна на телото, што е поврзано со десната страна на мозокот. Десната страна на мозокот е одговорна за толкување на емоционалните надразби, поради што се сметало дека мајките ги држат своите бебиња на левата страна инстиктивно, како подобро би се поврзале со нив.
Нова анализа на 40 различни студии на таа тема во изминатите 60 години покажала дека таа поврзаност може да се сведе на полот и на фактот дали сте левак или деснак. Анализата покажала дека помеѓу 66 и 72% од сите луѓе децата ги држат на левата рака, 74% од деснаците детето го држат со лева рака, во однос на 61% од оние на кои левата рака им е примарна.
Откриена е и разликата помеѓу половите, па така 64% од сите мажи и 73% од сите жени децата ги држат со лева рака.
Но, се ова може да се објасни на уште еден поедностаен начин, истакнуваат стручњаците. Децата често се држат во левата рака, како десната би била слободна за извршувањето на остантите работи. Една теорија дури смета дека родителите сакаат да ги држат децата на својата лева страна за да им бидат во лево видно поле.
“Тоа е така оти левото видно поле е поврзано со десната половина на мозокот, побрзо е и поточно во идентификувањето на поединци и нивните емоционални изрази во однос на десното видно поле“, истакнува д-р Гилијам Фостер во едно од истражувањата.
