Доколку сте мислеле дека втората и третата година од животот на детето се многу тешки, почекајте да видите што следува…
Неодамнешно истражување на организацијата OnePoll, покажало дека повеќето родители сметаат дека втората, третата и четвртата година се само вовед во она што го носи осмиот роденден. Тогаш децата се доволно големи, имаат своја индивидуалност и став и се чувствуваат доволно самостојни, но сепак сакаат да го завршат денот со прегратка од мама или тато. Освен тоа, нивното тело тогаш веќе полека се подготвува за пубертетот и хормоните кои доаѓаат со него, пренесува порталот Parents.
Всушност, осмата година од животот на детето е толку тешка што дури две илјади родители кои учествувале во оваа анкета се согласиле со тоа, а истакнале дека шестата година била многу подобра од очекуваното.
Осумгодишните деца можат да бидат тврдоглави и пркосни, да трескаат со вратите и превртуваат соочите во обид да ја остварат својата независност и индивидуалност.
Исто така, вообичаено е да се однесуваат како исполнувањето на нивните обврски да е еднакво на мачење и тортура, а не им е непознато ниту да ги игнорираат своите родители. Затоа, родителите мора да имаат многу трпение, но и да бидат подготвени за бројни главоболки. Но што е најважно, секогаш треба да имаат на ум дека и по многу напорен и тежок ден, нивните деца сепак сакаат само прегратка.
Иако е тешко да се воспитуваат 8-годишници, запомнете дека понекогаш е тешко и да се биде 8-годишно дете.
