Понекогаш мајката мора да се одвои од бебето навечер поради итна ситуација, а понекогаш едноставно и треба одмор и е подготвена да го остави детето на лице од доверба за една ноќ. Таа одлука е целосно на мајката и само таа знае кога е во ред да се одвои од бебето на одредено време. Она што треба да се земе предвид, кога се планира одвојување, е начинот на кој се храни бебето, како и нивото на сепарациска анксиозност која би можела да се случи.
Подготовка на храна за ноќ
Понекогаш се чини застрашувачки да се остави бебето во туѓи раце, ако и мама и тато бидат отсутни, но ако го оставите лице од доверба, нема за што да се грижите. Добро е бебето полека да развива однос со други членови на семејството или ваши блиски пријатели.
Прво на што треба да мислите кога планирате отсуство е тоа како бебето ќе јаде без вас. Ако се храни со адаптирано млеко, нема да има посебни подготовки, но ако доите, дефинитивно почекајте да се воспостави рутина на доење пред да го оставите бебето преку ноќ. Ова обично се случува околу третата или четвртата недела. После тоа, можете да се измолзите и млекото да го подготвите за бебето.
Доколку планирате да се измолзувате, секако пробајте да му даде шише на бебето неколку пати пред тоа заминување, за тоа да се навикне на новиот начин на хранење, во спротивно може да го одбие.
Бебиња и сепарациска анксиозност
Тешко е да се процени во кој момент на бебињата почнуваат да им недостигаат родителите како што им недостасуваат на постарите деца, но познато е дека и бебињата доживуваат сепарациска анксиозност.
Најчесто се случува околу осмиот или деветтиот месец, но понекогаш може да се случи веќе околу шестиот месец од животот на бебето. Најизразена е во првите две години од животот.
Ако вашето бебе вообичаено доживува анксиозност од разделување, разделеноста во текот на ноќта може да биде посебно тешка, особено ако не е навикнато да се одвојува од вас ноќе. Но, ако бебето е помладо и сè уште не ја достигнало таа фаза, веројатно нема да има никакви проблеми.
