Биотехнолошката компанија „Модерна“ ја тестира својата вакцина против COVID-19 кај деца на возраст од 12 години, но за овие испитувања им требаат повеќе волонтери, изјави денеска Монсеф Слауи од Operation Warp Speed.
„Ние спроведуваме клиничко испитување, фаза 3, кај адолесценти од 12 до 18 години со вакцината на „Модерна“. Тоа е вистински предизвик. Веќе четири недели се одвива. Регрутиравме само околу 800 субјекти во испитувањето“, рече Слауи.
-
Вакцината не може да биде одобрена за употреба кај деца, доколку не е тестирана кај децата, рече Слауи. Вакцината против COVID-19 на „Модерна“ е авторизирана за употреба кај возрасни од 18 години и повеќе
„Навистина е многу важно за сите нас – за целото население во Америка – да сфатиме дека не можеме да ја имаме таа индикација освен ако адолесцентите на возраст од 12 до 18 години не одлучат да учествуваат, се разбира како доброволна одлука, во клиничкото испитување“, рече Слауи. „Треба да регрутираме околу 3.000 субјекти во испитувањето за да го комплетираме.“
Фармацевтската компанија „Фајзер“ исто така ја тестира својата вакцина кај тинејџери. (Си-Ен-Ен)
