Царскиот рез за разлика од минатото, денес не претставува високо ризична операција, но по неа неопходно е време за опоравување и зараснување на раната. Станува збор за операција при која бебето се раѓа низ рез на стомакот и матката. Опоравувањето вообичаено трае шест недели за време на кој жената треба да внимава, односно да избегнува некои активности. Новата мајка не треба да крева било што што е потешко од бебето, како и сите останати потешки физички активности. Треба да се избегнува и домашна активност за да раната побрзо зарасне. Истовремено не се препорачува ниту возење авотмобил.
По царскиот рез многу жени имаат проблеми со столицата, бидејќи абдоменот е чувствителен и болен. Од тие причини е важно да се внесува доволна количина течности, балансирана храна и да се движи, за цревата да бидат поактивни. Треба да се избегнува и спиење на стомак, оти може да се продолжи времето на зараснување на раната со оглед дека во оваа положба таа е под притисок.
Сексуалниот однос во овие шест недели може да биде болен и непријатен, што може од друга страна да влијае на зараснување на раната. Не се препорачува ниту качување по скали барем две недели по царскиот рез.
