Што се случува со бебето во стомакот кога спиете на грб?

Неодамна е направено истражување на Универзитетот во Окленд кое следело што се случува кога жената спие на грб во текот на ноќта.

Сигурно веќе знаете дека во подоцните месеци од бременоста треба да спиете на страна. Во тој период невозможно е да се спие на стомак, а не е добро ниту да се спие на грб. Оваа положба може да создаде притисок на матката на крвните садови и да го ограничини протокот на крв во срцето и вашето бебе. Но, дури сега е направено истражување кое следело што се случува на бебето кога жената спие на грб во текот на ноќта.

Научниците од Универзитетот во Окленд користеле инфрацрвени камери за да ги снимат бремените жени додека спијат, а притоа биле следени и отчукувањата на срцето на мајката и бебето. Секоја од 30-те трудници која учествувала во истражувањето била помеѓу 34. и 38. недела од бременоста, а секоја бременост била без компликации.

Врз основа на она што веќе се знае за ограничениот проток на крв додека се спие на грб, не е изненадувачки што фетусот е помалку активен кога мајката е во таа положба. Изненадувачки е колку движењето на мајката на грб влијае на бебето, штом таа ја променила положбата од страна на грб, нејзиното бебе веднаш станувало помалку активно.

Сето ова звучи многу пострашно од што всушност е. Нормално е да се менуваат положбите во текот на спиењето, и ако се разбудите на грб, не се паничете. Спиењето на страна треба да го вежбате, а може да користите реквизити, како што е обична перница.

“Потребно е само малку да се поместите на страна за да го намалите притисокот; тоа значи дека е доволно само да ставите перница под колкот и рамената од едната страна. Вака поставената перница ќе ви даде чувство како да лежите на грб, удобно сместени, но ќе бидете доволно накосени, а вашата матка повеќе нема да создава притисок“, објаснува гинекологот Хедер А. Смит.