Поголем број од новите мајки сакаат што побрзо да се ослободат од вишокот “труднички” килограми, но не постои магија за тоа да се реши веднаш по породувањето. Сепак со здрави навики и исхрана и со редовно вежбање може да се врати изгледот кој што сте го имале пред вашата бременост. Породените жени за разлика од другите жени треба да бидат свесни дека им се потребни одредени хранливи материи, за да тие и бебето бидат потполно здрави.
Внесувајте протеини, а не јаглехидрати
Храната која содржи протеини содржи хормони кои се “борат” против гладот и вас ве прават сити, многу повеќе отколку кога внесувате јаглехидрати. Исто така, многу извори на протеини како што се риба, говедското месо, јајца, богати со железо и витаминот Б12 ви ја враќа енергијата (што на новите мајки им е повеќе од потребно!).
Изборете се со намалениот имунитет
Траумата и стресот по и за време на породувањето, можат да влијаат на тоа да имуниот систем реагира преку некое внатрешно воспаление. Помогнете му на вашиот организам да се избори со намалениот имунитет и затоа консумирајте вистинска здрава храна. Во секојдневната исхрана нека ви бидат вклучени зелениот чај, овошјето, а избегнувајте го преработениот шеќер кој го зголемува нивото на шеќер во крвта и предизвикува опаѓање на имунитетот.
“Произведувате” млеко
Доколку доите, поголем број од експертите велат дека дневно треба да внесувате плус 500 калории во однос на вашите предходни стандардни оброци. Пијте доволно вода, јадете храна богата со растителни влакна и избегнувајте алкохолни пијалоци. Водете грижа што јадете, бидејќи се што јадете го внесува и вашето бебе преку доењето. Ако забележите дека бебето има дијареа, гасови или има осипи по телото, тоа може да биде последица на алергиска реакција на одреден вид храна.
Внесувајте ги сите витамини!
Посебно внимавајте на витамините кои ви се од најголемо значење за вашиот организам.
- Витаминот А се губи во големи количини за време на доење. Дневно треба да внесувате околу 1300 микрограми од овој витамин преку храна како што е спанаќот, морковот…
- Витамин Ц исто така се пренесува преку млекото, затоа е потребно да внесете околу 120 мг. дневно. Добри извори на овој витамин се црвената пиперка, портокалите и брокулата.
- Витаминот Д ги зајакнува коските и ја заштитува кожата од сончевите зраци, меѓутоа многу мајки поголемиот дел од денот го поминуваат во затворени простории, па поради тоа потребно е дневно да внесувате околу 5 мг. од овој витамин. Јадете јајца, печурки, млеко…
- Витаминот Е е добар за циркулација и дневно треба да внесете околу 19 мг. Овој витамин најмногу го има во оревите, бадемите лешниците, јајцата и семките.
- Калиум – поголем дел од мултивитаминската храна не го содржи овој минерал кој пак помага во намалување на крвниот притисок. Потребно е да внесувате околу 3500мг. Најмногу го има во банани, диња…
Откријте ја магијата на рибното масло
Омега 3 масните киселини од риба и додатоците на рибиното масло го подобруваат, когнитивниот и моторичкиот развој на бебето како и развојот на слухот. Мајчиното млеко богато со “добри” омега 3 масни киселини – DHA и АА се заслужни за развојот на мозокот кај новороденчето. Препорачливо е од 0,3 до 0,5 грама DHA на ден, а најдобар извор за тоа е лосос, туна и ореви. Исто така, DHA не е добар само за деца – кај мајките се намалува можноста за појава на постпородилна депресија!
