Сонот е многу важен за децата, за нивниот развој, здравје и расположение. Да бидеме искрени, сонот на детето е подеднакво важен за родителите, бидејќи сите знаеме дека децата знаат да бидат невозможни кога не спијат доволно…
Колку и како детето ќе спие многу зависи од тоа во кое време ќе легне и кога ќе стане наутро, а мајката на две деца Џенифер Робинсон, која е и експерт за спиење, открива што им препорачува на своите клиенти како совршен распоред за спиење за децата.
Таа истакнува дека на децата до седум години им требаат 12 часа сон и исто толку време што го поминуваат будни, затоа ги поттикнува родителите да се придржуваат до рутината од седум до седум. „Во седум навечер е време за спиење, а во седум наутро е време за будење, тоа е она кон што треба да се стремиме“.
Меѓутоа, сите деца се различни, па ако во вашиот случај легнувањето во седум навечер не е најдобрата изрека, Робинсон има предлог.
„Ако вашето дете се буди пред шест или седум часот наутро, тогаш треба малку да го поместите нанапред времето кога оди на спиење, за да тоа го изедначите“.
Експертот за спиење посочува дека, генерално кажано, на децата им требаат 12 часа сон и 12 часа будност некаде од деветиот месец од животот до најмалку седум години. Кога станува збор за бебиња помлади од девет месеци, распоредот за спиење може значително да се разликува во однос на дневните дремки и во однос на тоа кога последната дневна дремка била во текот на денот.
Исфрлање на дневното спиење
Спиењето во текот на денот има ефект врз спиењето во текот на ноќта, а Робинсон истакнува дека кога децата ќе стигнат до точка да прескокнуваат дневни дремки, тоа може да предизвика доцна да си легнат или рано да се разбудат.
„Многу деца почнуваат да прескокнуваат дневни дремки кога почнуваат да одат во градинка на тригодишна возраст и тогаш често почнуваат да се будат навечер или да стануваат многу рано. Исфрлањето на дневното спиење во комбинација со многу стимулирачко опкружување во кое се во текот на денот, заморот поради целодневните активности, доведува до тоа да децата влезат во циклус на премор. Знак дека детето е премногу уморно може да биде ако вашето дете многу брзо заспие во автомобилот на пат кон дома“, вели Робинсон.
